Durga Pooja: रणबीर कपूर ते काजोल.. दुर्गापूजेत बॉलिवूड कलाकारांची मांदियाळी
बॉलिवूड सेलिब्रिटींनी घेतला दुर्गादेवीचा आशीर्वाद
दिग्दर्शक अयान मुखर्जी दरवर्षी नवरात्रीच्या अष्टमीला दुर्गा पूजेचं खास आयोजन करतो. या पुजेला बॉलिवूडमधील अनेक कलाकार हजेरी लावतात. अभिनेत्री राणी मुखर्जी आणि काजोल या दोघी अयानच्या बहिणी आहेत. त्यामुळे दुर्गापूजेनिमित्त मुखर्जी कुटुंब एकत्र आल्याचं पहायला मिळतं.
अयानच्या या पूजेला अभिनेत्री मौनी रॉयनेही हजेरी लावली. यावेळी तिने पांढऱ्या रंगाची साडी परिधान केली होती. मौनीने अयानच्या 'ब्रह्मास्त्र' चित्रपटात खलनायकी भूमिका साकारली होती.
अयानचा जिवलग मित्र रणबीर कपूर या पूजेला आवर्जून उपस्थित राहिला. यावेळी त्याने पांढऱ्या रंगाचा कुर्ता-पायजमा आणि त्यावर पांढऱ्या-निळ्या रंगसंगतीचा जॅकेट परिधान केला होता.
दरवर्षी दुर्गा पुजेला राणी मुखर्जीची आवर्जून उपस्थिती पहायला मिळते. राणी आणि तिची बहीण मिळून पाहुण्यांचं स्वागत करतात.
दुर्गामातेचं दर्शन घेतल्यानंतर रणबीरने अयान आणि त्याच्या वडिलांसोबत फोटो काढला. यावेळी इतर सेलिब्रिटींनीही फोटोसाठी पोज दिले.
अभिनेत्री जया बच्चनसुद्धा या पुजेत सहभागी झाल्या होत्या. यावेळी त्यांनी पांढऱ्या आणि लाल रंगाची साडी परिधान केली होती.
दुर्गा पूजेनिमित्त राणी मुखर्जी आणि काजोलचा खास अंदाज पहायला मिळाला.
