Amitab Bachchan : काव्या मारनच्या डोळ्यातले अश्रू बिग बींना पाहवेना, म्हणाले – माय डिअर…
Amitabh Bachchan Blog : IPL 2024 ची ट्रॉफी जिंकल्याबद्दल अमिताभ बच्चन यांनी त्यांच्या ब्लॉगवर शाहरुख खानच्या KKR टीमला शुभेच्छा देत त्यांचं अभिनंदन केलं. पण सनरायजर्स हैदराबादच्या पराभवामुळे आपल्याला दु:ख झाल्याचंही त्यांनी नमूद केलं.
कोलकाता नाइट रायडर्स (KKR) आणि सनरायजर्स सनराइजर्स हैदराबाद (SRH) यांच्यात रविवारी संध्याकाळी IPL 2024 चा अंतिम सामना झाला. मात्र या सामन्यात शाहरूखच्या KKR टीमने SRH संघावर 8 विकेट्स राखून सहज विजय मिळवला आणि IPLच्या ट्रॉफीवर तिसऱ्यांदा नाव कोरलं. कोलकाता संघाच्या या विजयानंतर शाहरुख आणि त्याचे कुटुंबिय तसेच केकेआरचे चाहते जल्लोष करताना दिसले. शाहरुखने स्टेडिअममध्ये फेरी मारत चाहत्यांचे आभारही मानले. मात्र एकीकडे त्यांचा जल्लोष सुरू अतानाच हैदराबादची टीम मात्र पराभवामुळे दु:खात होती. आणि हैदराबाद संघाची मालक काव्या मारन हिला तर अश्रू अनावर झाले होते. याच पार्श्वभूमीवर बॉलिवूडचे बिग बी, अर्थात अमिताभ बच्चन यांचीही प्रतिक्रिया समोर आली असून तिच्या डोळ्यातले अश्रू बिग बी यांना काही पहावले नाहीत. त्यांनी त्यांच्या ब्लॉगमध्येही या घटनेचा उल्लेख करत तिला धीर देण्याचा प्रयत्न केला आहे.
काव्या मारनचे अश्रू पाहून बिग बींना वाटलं वाईट
IPL 2024 ची ट्रॉफी जिंकल्याबद्दल अमिताभ बच्चन यांनी त्यांच्या ब्लॉगवर शाहरुख खानच्या KKR टीमला शुभेच्छा देत त्यांचं अभिनंदन केलं. सनरायझर्स संघाच्या पराभवामुळे अमिताभ बच्चन देखील निराश झाले. या सामन्याबाबत त्यांनी ब्लॉगवर पोस्ट लिहीली. त्याच पोस्टमध्ये त्यांनी काव्या मारन हिच्यासाठी काही ओळी लिहील्या आहेत. ‘आयपीएल फायनल संपली आणि केकेआरने शानदार विजय मिळवला. SRH संघ पराभूत झाला. हा पराभव निराशाजनक आहे कारण हैदराबादचा संघ चांगला आणि त्यांनी इतर सामन्यांमध्ये उत्तम खेळाचे प्रदर्शन केले होते. ‘
काव्या मारनबद्दल काय म्हणाले बिग बी ?
याच पोस्टमध्ये अमिताभ यांनी काव्या मारन हिचाही उल्लेख केला. ‘ सगळ्यात दु:खद आणि वाईट गोष्ट म्हणजे हैदराबादच्या पराभवानंतर त्या संघाच्या मालकीणीच्या डोळ्यात आलेले अश्रू.. पराभवामुळे इमोशनल होऊन तिचं रडणं. कॅमेऱ्याकडे पाठ करून तिने तिचे अश्रू आणि इमोशन्स लपवले. (ते पाहून) मला तिच्यासाठी खूप वाईच वाटलं !पण काही हरकत नाही, उद्याचा आणखी एक ( नवा) दिवस आहे.. माय डिअर! ‘ असे अमिताभ बच्चन यांनी नमूद केले.
केकेआरच्या विजयानंतर शाहरुख खान आणि त्याचे कुटुंबीय खूपच आनंदात होते. पत्नी गौरी खान आणि मुलगी सुहाना खान यांना मिठी मारून शाहरुखने आनंद व्यक्त केला. त्याचा हा व्हिडीओ देखील बराच व्हायरल झाला आहे.
