पाचवीत सोडली शाळा, लग्नानंतर अभिनयाला रामराम; तरीही कोट्यवधींची माया कमावते ही प्रसिद्ध अभिनेत्री

Karisma Kapoor : झगमगत्या विश्वात अशा अनेक अभिनेत्री आहेत, ज्यांनी फार कमी वयात बॉलिवूडमध्ये पदार्पण केलं आणि चाहत्यांच्या मनावर राज्य केलं. बॉलिवूडमधील एक अभिनेत्री तर अशी आहे, जिने पाचवी पास होताच शाळा सोडली आणि अभिनय करण्यास सुरुवात केली.. आज ती अभिनेत्री कोट्यवधी रुपयांची मालकीण आहे. सध्या ज्या अभिनेत्रीची चर्चा रंगली आहे, ती अभिनेत्री दुसरी तिसरी कोणी नाही तर, अभिनेत्री करिश्मा कपूर आहे. 90 च्या दशकात करिश्मा बॉलिवूडमधील सर्वात जास्त कमाई करणाऱ्या अभिनेत्रींच्या यादीत अव्वल होती. उत्तम करियरच्या जोरावर करिश्मा हिने गडगंज संपत्ती जमा केली आहे. आज बॉलिवूडपासून दूर असली तरी, करिश्मा मोठी कमाई करते.

करिश्मा कपूर हिच्याबद्दल सांगायचं झालं तर, अभिनेत्रीचा जन्म 25 जून 1974 रोजी झाला. करिश्मा हिने सुरुवातीचं शिक्षण कॅथेड्रल एन्ड जॉन कॉनन स्कूल येथून केलं. पण अभिनयात करियर करण्यासाठी तिने फार कमी वयात शाळा सोडली. रिपोर्टनुसार पाचवी पास झाल्यानंतर करिश्मा हिने शाळा सोडली. करिश्मा हिचं शिक्षण फक्त 5 वी पास आहे.

करिश्माने करियरची सुरुवात 1991 साली प्रदर्शित झालेल्या ‘प्रेम कैदी’ सिनेमातून केली. त्यानंतर करिश्मा हिने मागे वळून कधीच पाहिलं नाही. ‘जिगर’, ‘अनाडी’, ‘राजा बाबू’, ‘अंदाज़ अपना अपना’, ‘कुली नंबर 1’, ‘साजन चले ससुराल’, यांसारख्या सिनेमांमध्ये दमदार भूमिका साकारत करिश्माने चाहत्यांच्या मनावर राज्य केलं. पण गेल्या अनेक वर्षांपासून अभिनेत्री बॉलिवूडपासून दूर आहे. तरी देखील कोट्यवधींची मालकीण आहे.

किती कोटींची मालकीण आहे करिश्मा कपूर

रिपोर्टनुसार, करिश्मा कपूर हिची नेटवर्थ जवळपास 120 कोटी आहे. तिला महागड्या गाड्यांचा देखील प्रचंड शोक आहे… तिच्याकडे 1.80 कोटी किमतीची मर्सिडीज-बेंझ एस-क्लास आणि 2.82 कोटी किमतीची लेक्सस एलएक्स 470 यांसारख्या गाड्या आहेत. तिच्याकडे मर्सिडीज-बेंझ ई-क्लास, बीएमडब्ल्यू 7 सिरीज आणि ऑडी क्यू7 देखील आहेत.

एवढंच नाही तर, करिश्मा हिने मुंबईच्या वांद्रे पश्चिम परिसरात एक घर भाड्याने दिलं आहे, ज्यासाठी तिला दरमहा 5.51 लाख रुपये भाडं मिळतं. याशिवाय, ती आणि तिची आई बबिता यांनी वांद्रे पश्चिममधील एक शोरूमची जागा एका ज्वेलरी ब्रँडला दरमहा 6 लाख रुपये भाड्याने दिली आहे. ब्रांड एंडोर्समेंटमधून देखील अभिनेत्री मोठी कमाई करते.

करिश्मा कपूर हिच्या खासगी आयुष्याबद्दल सांगायचं झालं तर, अभिनेत्रीने उद्योजक संजय कपूर याच्यासोबत लग्न केलेलं. पण त्यांचं लग्न फार काळ टिकलं नाही. अखेर दोघांनी विभक्त होण्याचा निर्णय घेतला. घटस्फोटानंतर करिश्मा हिने कधीच दुसऱ्या लग्नाचा विचार केला नाही. दोन मुलांचा सांभाळ करिश्मा हिने सिंगल मदर म्हणून केला.