‘दो दिल फिर मिल रहे हैं…’, कार्तिक आर्यन पोहोचला सारा अली खान हिच्या घरी, व्हिडीओ व्हायरल

मुंबई | 10 नोव्हेंबर 2023 : सध्या बॉलिवूडमध्ये सर्वत्र दिवाली सणाचा उत्साह पाहायला मिळत आहे. अनेक सेलिब्रिटींनी त्यांच्या घरी दिवाळी पार्टीचं आयोजन केलं. पार्टीमध्ये अनेक सेलिब्रिटी एकमेकांच्या घरी येताना दिसत आहेत. नुकताच अभिनेत्री सारा अली खान हिने देखील तिच्या घरी दिवळी पार्टीचं आयोजन केलं होतं. पार्टीमध्ये अनेक सेलिब्रिटींनी हजेरी लावली. पण सर्वांची नजर अभिनेता कार्तिक आर्यन याच्यावर येऊन थांबली. सध्या अभिनेत्याचा व्हिडीओ सोशल मीडियावर तुफान व्हायरल होत आहे. ब्रेकअपनंतर कार्तिक, एक्स – गर्लफ्रेंड सारा हिच्या घरी आल्यामुळे सर्वत्र चर्चांना उधाण आलं आहे.

दिवाळी पार्टीसाठी कार्तिक ,सारा हिच्या घरी पोहोचला. पिवळ्या रंगचा कुर्ता आणि पांढऱ्या रंगाच्या पायजामा घालून अभिनेता दिवाळी पार्टीसाठी पोहोचला. कार्तिक याचा व्हिडीओ व्हायरल झाल्यानंतर चाहते कमेंट करत प्रतिक्रिया देत आहेत. ‘दो दिल मिल रहे है…’ यांसारख्या अनेक कमेंट अभिनेत्याच्या व्हिडीओवर पाहायला मिळत आहेत.

View this post on Instagram

A post shared by Viral Bhayani (@viralbhayani)

नुकताच, सारा अली खान अभिनेत्री अनन्या पांडे हिच्यासोबत दिग्दर्शक करण जोहर याच्या ‘कॉफी विथ करण’ शोमध्ये पोहोचली होती. शोमध्ये करण याने दोघींना त्यांच्या एक्सबद्दल विचारलं. तेव्हा सारा हिने मोठा खुलासा केला. ‘ब्रेकअपनंतर प्रचंड दुःख झालं होतं..’ असं अभिनेत्री म्हणाली.

ब्रेकअपनंतर सारा आणि कार्तिक अनेकदा एकमेकांसोबत स्पॉट झाले. ‘गदर 2’ सिनेमाच्या सक्सेस पार्टीमध्ये दोघांना एकत्र स्पॉट करण्यात आलं. शिवाय दोघांनी एकमेकांना मिठी देखील मारली. एवढंच नाही तर, गणपती दर्शनासाठी देखील सारा कार्तीक याच्या घरी पोहोचली होती. सध्या सर्वत्र फक्त आणि फक्त कार्तिक आणि सारा यांच्या रिलेशनशिपची चर्चा रंगली आहे.

गेल्या अनेक वर्षांपूर्वी सारा हिने कार्तिक आर्यन याला डेट करायला आवडेल… अशी इच्छा व्यक्त केली होती. त्यानंतर ‘लव्ह आज कल 2’ सिनेमाच्या माध्यमातून दोघांनी एकत्र स्क्रिन शेअर केली. सिनेमा बॉक्स ऑफिसवर फेल ठरला, पण सारा – कार्तिक यांची जोडी हीट ठरली. दोघांच्या लव्हस्टोरीच्या चर्चा देखील सर्वत्र रंगू लागल्या होत्या. पण दोघांचं नातं फार काळ टिकलं नाही. पण ब्रेकअपनंतर दोघे अनेकदा एकत्र दिसले.