अर्जुननंतर मलायका पुन्हा एकदा प्रेमात? स्पेनमध्ये ‘मिस्ट्री मॅन’सोबत स्पॉट

बॉलिवूड अभिनेत्री मलायका अरोरा सध्या स्पेनमध्ये आहे. ती सध्या तिकडे सुट्टी एन्जॉय करत आहे. या दरम्यान काही फोटो सोशल मीडियावर व्हायरल होत आहेत. या फोटोमध्ये एक मिस्ट्री मॅन मलायका सोबत दिसत आहे. त्यामुळे ती पुन्हा एकदा प्रेमात पडल्याच्या चर्चा सुरु आहेत. अर्जुन कपूरनंतर मलायकाच्या आयुष्यात पुन्हा एकदा कोणी तरी प्रवेश केल्याचं बोललं जात आहे.

अर्जुन कपूरशी ब्रेकअप झाल्याच्या बातम्या देखील गेल्या काही दिवसांपासून येत होत्या. मलायका अरोरा आता कोणाला डेट करतेय अशी देखील चर्चा सुरु आहे. सध्या ती स्पेनमध्ये आहे. तेथील स्वादिष्ट खाद्यपदार्थांचा ती आनंद घेत आहे. पण ती त्या ठिकाणी एकटी नाहीये. तिच्यासोबत अजून कोणीतरी आहे.

मलायकाने शेअर केला मिस्ट्री मॅनचा फोटो

50 वर्षांच्या मलायकाने चार फोटो कोलाज करुन तिच्या इंस्टाग्राम स्टेटसवर शेअर केलाय. या कोलाज फोटोमध्ये एक व्यक्ती दिसत आहे. पण त्याचा चेहरा स्पष्ट दिसत नाहीये, हा फोटो पाहिल्यानंतर मलायका पुन्हा एकदा कोणाला तरी डेट करत असल्याची चर्चा आहे.

मलायका सुट्टी घालवण्यासाठी स्पेनमध्ये असली तरी ती कोणासोबत आहे याचा खुलासा केलेला नाही. त्यामुळे वेगवेगळ्या अफवा पसरत आहेत. अनंत अंबानी आणि राधिका मर्चंटच्या लग्नालाही ती आली नव्हती. दुसरीकडे अर्जुनने बहीण अंशुलासोबत या लग्नसोहळ्यात हजेरी लावली होती. बोनी कपूर आणि त्यांच्या दोन मुली जान्हवी आणि खुशी देखील या लग्न सोहळ्यात पोहोचल्या होत्या.

रिपोर्ट्सनुसार मलायका आणि अर्जुन यांच्यात आता ब्रेकअप झालंय. वेगळे झाल्यानंतर आता मलायका आणि अर्जून एकत्र दिसले नाहीत. अनेक वर्षे एकमेकांना ते डेट करत होते. लग्नाचीही चर्चा होत होती. मात्र आता नात्यात दुरावा निर्माण झाल्याचा दावा केला जात आहे. यापूर्वी मलायकाने अरबाज खानशी लग्न केले होते. दोघांना एक मुलगा अरहान आहे. लग्नाच्या 19 वर्षानंतर त्यांचा घटस्फोट झाला. अरबाजने गेल्या वर्षी मेकअप आर्टिस्ट शूरा खानशी लग्न केले.