रात्रीच्या प्रवासात सई ताम्हणकर सोबत घडलेली भयानक घटना, ‘त्याने मागून कंबरेला पकडलं अन्…’

अभिनेत्री सई ताम्हणकर हिला आज कोणत्यात ओळखीची गरज नाही. सई हिने फक्त मराठीच नाही तर, बॉलिवूडमध्ये देखील स्वतःची ओळख भक्कम केली आहे. अनेक सिनेमा आणि मालिकांमध्ये दमदार भूमिका बजावत सई हिने चाहत्यांचं मनोरंजन केलं आहे. पण हा प्रवास सई हिच्यासाठी सोपा नव्हता. एकदा बसमधून प्रवास करत असताना अभिनेत्रीची एका मुलाने छेड काढलेली. तेव्हा सई शांत राहिली नाही तर, तिने त्या मुलाला चांगलीच अद्दल घडवली. याबद्दल खुद्द सई हिने मोठा खुलासा केला आहे. सध्या सर्वत्र फक्त आणि फक्त सई हिची चर्चा रंगलेली आहे.

मुलाखतीत सई हिला ‘पुरुषांच्या वाईट प्रवृत्तीचा कधी सामना करावा लागला आहे का?’ असा प्रश्न विचारण्यात आला. यावर अभिनेत्री तिच्यासोबत रात्रीच्या प्रवासात घडलेला धक्कादायक प्रसंग सांगितला. सांगली ते मुंबई बसने प्रवास करताना सई हिची एका मुलाने छेड काढलेली.

मुलाखतीत सई म्हणाली, ‘करियरच्या सुरुवातीच्या काळात मी बसने प्रवास करायचे. सांगली ते मुंबई असा माझा प्रवास असायचा. मी रात्री बसमध्ये बसायचे आणि ती बस मला सकाळी मुंबईत पोहोचवायची. प्रवास करत असताना एक मुलगा माझ्या बसमध्ये मागे बसलेला. तो काही वेळ माझ्याकडे असाच बघत बसलेला…’

‘त्यानंतर काही वेळाने त्याने माझ्या कंबरेत हात टाकला… तेव्हा मी प्रचंड घाबरली होती. पण त्याला चांगलीच अद्दल घडवण्याचा निर्णय घेतला. मी त्याचा हात ओढला आणि मुरगळला आणि म्हणाले, पुन्हा हा हात पुढे आली की, हात मोडून मिळेल… त्या मुलाचा हात मुरगळ्यानंतर तो मोठ्याने ओरडला…’, सईने हा घडलेला धक्कादायक प्रकार मुलाखतीत सांगितला.

सई हिच्याबद्दल सांगायचं झालं तर, अभिनेत्रीने दुनियादारी’, ‘गुलकंद’, ‘मिमी’, ‘तू ही रे’, ‘क्लासमेट्स’, ‘मानवत मर्डर्स’, ‘तुंबाडची मंजुळा’ यांसारख्या अनेक सिनेमांमध्ये मुख्य भूमिका साकारत चाहत्यांचं मनोरंजन केलं. चाहते कायम तिच्या आगामी सिनेमांच्या प्रतीक्षेत असतात. सोशल मीडियावर देखील  सई कायम सक्रिय असते. सोशल मीडियावर चाहत्यांच्या संपर्कात राहण्यासाठी सई कायम स्वतःचे फोटो आणि व्हिडीओ सोशल मीडियावर पोस्ट करत असते. चाहते देखील तिच्या प्रत्येक पोस्टवर लाईक्स आणि कमेंटचा वर्षाव करत असतात.