मराठीतही मनोरंजनाची मेजवानी, लवकरच प्रेक्षकांच्या भेटीला येणार ‘बिबट्या’
गुढीपाडव्याच्या शुभ मुहूर्तावर 'बिबट्या' या चित्रपटाचे पहिल्या पोस्टरचे अनावरण करण्यात आले.
मुंबई : गुढीपाडव्याच्या शुभ मुहूर्तावर ‘बिबट्या’ या चित्रपटाच्या पहिल्या पोस्टरचे अनावरण करण्यात आले. या चित्रपटाची निर्मिती स्वयंभू प्रॅाडक्शनची असून या चित्रपटाचे दिग्दर्शन चंद्रशेखर सांडवे यांनी केले आहे. चित्रपटाच्या पोस्टरवरून प्रकाशाने झगमगलेले शहर दिसत आहे व लांब कुठल्यातरी डोंगरावरून एका काळ्या आकृतीतील बिबट्या त्या शहराकडे बघताना दिसत आहे. (Marathi upcoming film bibtya will release soon)
या चित्रपटात विजय पाटकर, महेश कोकाटे, अनंत जोग, प्रमोद पवार, डॉ विलास उजवणे, अशोक कुलकर्णी, ज्ञानदा कदम, मनश्री पाठक, सचिन गवळी, सोमनाथ तडवळकर, सुभोद पवार, चैत्राली डोंगरे, सुशांत मांडले आदी कलाकार आहेत. हे पोस्टर पाहून लोकांमध्ये अनेक तर्कवितर्क लावले जात आहेत. या चित्रपटाची कथा चंद्रशेखर सांडवे यांची आहे तर पटकथा चंद्रशेखर सांडवे व आर. मौजे यांची असून या चित्रपटाचे संवाद कमलेश खंडाळे यांनी लिहले आहेत.
बिबट्याने आज येथे हल्ला केला ,शहरात आज बिबट्या या ठिकाणी आढळला या व अश्या अनेक बातम्या आपण वारंवार ऐकतो. हा चित्रपट नक्की याच धाटणीवर आहे की कोणता नवीन विषय घेऊन तो लोकांसमोर येणार आहे हे लवकरच समजेल. शहरातील लोकांना बिबट्या हा एक हिंस्र प्राणी असून तो केवळ शहरात त्रास देण्यासाठीच येत असतो या पलीकडे काहीच माहिती नाही. तो आपल्या शहरात येत नसून आपण त्याच्या जंगलात शिरलो आहोत, हे ते पूर्णपणे विसरले आहेत.हाच विषय घेऊन हा सिनेमा येत आहे कि कोणता नवीन विषय मांडणार आहे.
संबंधित बातम्या :
‘चंद्र आहे साक्षीला’नंतर सुबोध भावे पुन्हा सिनेमाकडे, बालगंधर्वांचे नाटक रुपेरी पडद्यावर
Puglya : मराठी सिनेमाचा ‘मॉस्को’त डंका, ‘पगल्या’ला सर्वोत्तम पुरस्कार
(Marathi upcoming film bibtya will release soon)
