कचऱ्याच्या ढिगाऱ्यात सापडलेल्या मुलीचा बॉलिवूड सुपरस्टारने केला सांभाळ; आज ती उत्तम अभिनेत्री, हॉलिवूड अभिनेत्यालाही केलंय डेट
एका सुपरस्टार अभिनेत्याने कचऱ्यात सापडलेल्या मुलीला दत्तक घेतलं. तिला वडिल म्हणून स्वत:चं नाव दिलं. एवढंच नाही तर तिला शिक्षणासाठी अमेरिकेतही पाठवलं. आज ती मुलगी उत्तम अभिनेत्री आहे.
बॉलिवूडमधील अनेकांनी अनाथ मुलींना दत्तक घेतल्याचं आपण ऐकलं आहे. पण अजून एक असा बॉलिवूड सुपरस्टार आहे ज्यांनी एका मुलीला चक्क कचऱ्याच्या ढिगाऱ्यात सापडलेल्या एका मुलीला दत्तक घेत स्वत:च्या मुलीसारखा सांभाळ केला. तिला वडिल म्हणून स्वत:चं नाव दिलं आहे. नंतर ही मुलगी नंतर पुढच्या शिक्षणासाठी अमेरिकेत घेतलं.
तिच्या पालकांनी जन्मानंतर मुलीला कचऱ्याच्या ढिगाऱ्यात सोडून दिले होते.
हे सुपरस्टार म्हणजे मिथुन चक्रवर्ती. मिथुनदा बऱ्याच काळापासून बॉलिवूडमध्ये काम करत आहेत. या काळात त्यांनी रुपेरी पडद्यावर अनेक हिट चित्रपट दिले आहेत. या अभिनेत्याने केवळ हिंदीच नाही तर अनेक भाषांमधील चित्रपटांमध्ये काम केले आहे. मिथुन त्यांच्या व्यावसायिक जीवनातही हिट ठरले आहेत. मिथून हे चित्रपटांपेक्षाही त्यांच्या वैयक्तिक आयुष्यामुळेही जास्त चर्चेत राहिले. मिथुन यांनी योगिता बालीशी लग्न केले आणि या लग्नातून त्यांना महाक्षय, ऊष्मे और नमाशी चक्रवर्ती ही मुले आहेत. याच दरम्यान त्यांनी एका मुलीला दत्तक घेतलं. दिशानी चक्रवर्ती नावाची एक मुलगी त्यांनी दत्तक घेतली. दिशानीला तिच्या पालकांनी तिच्या जन्मानंतर कचऱ्याच्या ढिगाऱ्यात सोडून दिले होते. जेव्हा ही बातमी व्हायरल झाली तेव्हा मिथुन यांनी लगेच कोलकाता गाठले आणि त्या मुलीला दत्तक घेतले.
अभिनेत्याने मुलीला आश्रय दिला
मिथुन यांच्या या निर्णयाला त्यांची पत्नी योगिता बाली यांचा कोणताही आक्षेप नव्हता. दिशानी मोठी होत असताना, ती मिथुन आणि योगिताची लाडकी बनली. भारतात शालेय शिक्षण पूर्ण केल्यानंतर दिशानी पुढील शिक्षणासाठी अमेरिकेला गेली. दिशानीला अभिनेत्री व्हायचं होतं आणि त्यासाठी तिने न्यू यॉर्कच्या फिल्म अकादमीमध्ये प्रवेश घेतला. 2017 मध्ये तिने गिफ्ट हा लघुपटही केला आणि तिच्या अभिनय कारकिर्दीला सुरुवात केली. त्यानंतर दिशानीने अंडरपास, होली स्मोक, टू फेस्ड आणि व्हाय डिड यू डू इट सारखे चित्रपट केले. ती शेवटची द गेस्ट (2022) या लघुपटात दिसली होती.
हॉलिवूड अभिनेत्याला केलं आहे डेट
याशिवाय ती इंस्टाग्रामवरही बरीच सक्रिय असते. इंस्टाग्रामवर दिशानीचे सुंदर आणि उत्तम व्हिडिओ आहेत. दिशानीने हॉलिवूड अभिनेता कोडी सुलेकलाही डेट केले आहे. सध्या ती एका परदेशी मुलासोबत चर्चेत आहे. या परदेशी मुलाचे नाव माइल्स मंटजारिस आहे. दिशानी अनेकदा तिच्या बॉयफ्रेंडसोबतचे फोटो शेअर करत असते. अभिनेत्रीचे इंस्टाग्राम अकाउंट तिच्या रोमँटिक फोटोंनी भरलेले आहे.
