20 हजारांपेक्षा कमी किंमत असलेले 5 स्मार्टफोन, गेमिंगपासून कॅमेऱ्यांपर्यंत मिळतात खास फीचर्स

तुम्ही जर 20 हजार रुपयांपेक्षा कमी किमतीत असा स्मार्टफोन शोधत असाल जो कॅमेरा परफॉर्मन्समध्ये उत्तम असेल आणि गेमिंगसाठी देखील वापरता येईल, तर भारतीय बाजारात असे अनेक उत्कृष्ट पर्याय उपलब्ध आहेत. मार्च 2026 मध्ये अनेक कंपन्यांनी पॉवरफूल कॅमेरे आणि मोठ्या बॅटरी असलेले फोन लाँच केले, जे फोटो प्रेमींमध्ये लोकप्रिय होत आहेत. आजच्या लेखात आपण पाच उत्कृष्ट कॅमेरा स्मार्टफोनबद्दल जाणून घेणार आहोत जे परवडणारे आहेत परंतु वैशिष्ट्यांमध्ये मजबूत आहेत. चला तर कोणते आहेत हे स्मार्टफोन ते जाणून घेऊयात.

Oppo K14x

ओप्पोचा हा बजेट कॅमेरा फोन सेगमेंटमधील एक स्वस्त फोन आहे. यात 50 मेगापिक्सेलचा ड्युअल रिअर कॅमेरा सेटअप आणि सेल्फीसाठी 5 मेगापिक्सेलचा फ्रंट कॅमेरा आहे. हा फोन मीडियाटेक डायमेन्सिटी 6300 प्रोसेसरवर चालतो आणि कलरओएस 15 वर आधारित आहे, जो दररोजच्या वापरासाठी उत्तम पर्याय आहे. यात 120 हर्ट्झ रिफ्रेश रेटसह 6.75 इंचाचा आयपीएस एलसीडी डिस्प्ले आहे. 6500 एमएएच बॅटरी आणि 45 वॅट चार्जिंग दीर्घकाळ टिकणारी कामगिरी प्रदान करते. तर हा फोन तुम्हाला 16 हजार 999 रूपयांमध्ये खरेदी करता येणार आहे.

Samsung Galaxy F70e

ब्रँड व्हॅल्यू आणि जबरदस्त कॅमेरा शोधणाऱ्यांसाठी हा फोन सर्वोत्तम पर्याय असू शकतो. यात 50 मेगापिक्सेलचा ड्युअल रिअर कॅमेरा आणि 8 मेगापिक्सेलचा सेल्फी कॅमेरा आहे. हा फोन मीडियाटेक डायमेन्सिटी 6300 प्रोसेसरवर देखील चालतो आणि One UI 8 ला सपोर्ट करतो. यात 6.7 इंचाचा पीएलएस एलसीडी डिस्प्ले आणि 120 हर्ट्झ रिफ्रेश रेट आहे, ज्यामुळे सहज स्क्रोलिंग होते. दैनंदिन वापरासाठी हा एक उत्तम पॅकेज फोन आहे. तर या फोनची किंमत 15 हजार 499 रूपये आहे.

iQOO Z10x

गेमिंग आणि कॅमेरा असे दोन्ही कॉम्बो शोधणाऱ्यांसाठी हा फोन आदर्श आहे. यात 50MP ड्युअल रिअर कॅमेरा आणि 8MP फ्रंट कॅमेरा आहे. फोन मीडियाटेक डायमेन्सिटी 7300 प्रोसेसरने सुसज्ज आहे, जो गेमिंग आणि मल्टीटास्किंगमध्ये मदत करतो. यात 120Hz रिफ्रेश रेटसह 6.72-इंचाचा IPS LCD डिस्प्ले आहे. 6500mAh बॅटरी आणि 44W चार्जिंग त्याला ऑल-राउंडर बनवते. तर हा फोन 16 हजार 999 रूपयांच्या किंमतीत खरेदी करता येईल.

Motorola G67 Power

तुम्ही जर सेल्फीसाठी पॉवरफुल कॅमेरा असलेला फोन शोधत असाल, तर हा तुमच्यासाठी सर्वोत्तम पर्याय असू शकतो. यात 32 एमपी सेल्फी कॅमेरा आणि 50 एमपी + 8 एमपी ड्युअल रिअर कॅमेरा सेटअप आहे. फोनमध्ये स्नॅपड्रॅगन 7 एस जेन 2 चिपसेट, 6.7 इंचाचा आयपीएस एलसीडी डिस्प्ले आणि 120 हर्ट्झ रिफ्रेश रेट आहे. 7000 एमएएच बॅटरीमुळे दीर्घकाळ टिकतो. तर या फोनची किंमत 16 हजार 999 रूपये आहे.

Vivo T4x

या फोनमध्ये 50 मेगापिक्सेलचा ड्युअल रिअर कॅमेरा आणि 8 मेगापिक्सेलचा फ्रंट कॅमेरा आहे. तसेच यात 120 हर्ट्झ रिफ्रेश रेटसह 6.72 इंचाचा आयपीएस एलसीडी डिस्प्ले देखील आहे. यात 6500 एमएएच बॅटरी आणि 44 वॅट फास्ट चार्जिंग देखील आहे. यामुळे हा फोन फक्त 16 हाजर 999 रूपयांच्या कमी बजेटमध्ये विश्वासार्ह ऑल राउंडर शोधणाऱ्या वापरकर्त्यांसाठी हा एक चांगला पर्याय बनतो.