“ते म्हणतात… सगळं सेमच आहे”, Kranti Redkar ने सांगितला पती Sameer wankhede सोबतचा शॉपिंगचा किस्सा
क्रांती रेडकरने तिचे पती आणि अधिकारी समीर वानखेडे यांच्यासोबतचा शॉपिंगचा किस्सा सांगितला आहे. तिने इन्स्टाग्रामवर रील शेअर करत शॉपिंगवेळी समीर वानखेडे यांची रिअॅक्शन काय असते ते सांगितलं आहे.
मुंबई : संसार म्हटलं की त्याच त्या गोष्टींवरून नवरा-बायकोचे वाद, लुटूपुटूची भांडणं आलीच. सर्व सामान्यांच्या घरात ज्या गोष्टी घडतात त्याच गोष्टी सेलिब्रिटींच्या घरातही घडतात का? असा प्रश्न तुम्हाला नेहमी पडत असेल. याचं उत्तर अभिनेत्री क्रांती रेडकरने (Kranti Redkar) दिलं आहे. शेवटी संसार म्हटलं की घरोघरी मातीच्या चुली! त्यामुळे क्रांतीने तिचे पती आणि अधिकारी समीर वानखेडे (Sameer Wankhede) यांच्यासोबतचा शॉपिंगचा किस्सा सांगितला आहे. तिने इन्स्टाग्रामवर रील (Instagram Reel) शेअर करत शॉपिंगवेळी समीर वानखेडे यांची रिअॅक्शन काय असते ते सांगितलं आहे. “आम्ही एकत्र शॉपिंगला गेलो तर आम्हाला दोघांना लागणारी वस्तू जरी घ्यायची असेल तरी समीर खरेदीत फार रस घेत नाहीत. ते नेहमी म्हणतात सगळं सेमचं तर आहे, तुला जे हवं घे”, असं क्रांती म्हणाली आहे.
क्रांती रेडकरचा शॉपिंग किस्सा
क्रांती रेडकरने मॉलमध्ये गेल्यानंतर तिथं जे पाहिलं त्यावर एक रील बनवलं. “मी एका मॉलमध्ये गेले होते, तिथे एक जोडपं चप्पल खरेदी करण्यासाठी आलं होतं. तो मुलगा बेबी तुला ही चप्पल चांगली दिसेल. हा कलर बघ तुला मस्त दिसेल, जरा चालून दाखव बघू… असं म्हणत होता. त्यांना पाहून मला असं वाटलं की कोण असतात ही माणसं?”, असं क्रांती या रीलमध्ये म्हटलं आहे. पुढे तिने तिचे पती समीर वानखेडे यांच्यासोबतचा शॉपिंगचा किस्सा सांगितला. “आम्ही एकत्र शॉपिंगला गेलो तर आम्हाला दोघांना लागणारी वस्तू जरी घ्यायची असेल तरी समीर खरेदीत फार रस घेत नाहीत ते नेहमी म्हणतात सगळं सेमचं तर आहे. कसला कलर? तुला जे हवं घे. असं समीर नेहमी म्हणतात”, असं क्रांती म्हणाली आहे. या रीलला तिने “मला खात्री आहे की मला टाइप वन वाला असा नवरा झेपला नसता” असं कॅप्शन दिलं आहे.
हा किस्सा तिच्या वडिलांना सांगितल्यावर त्यांची प्रतिक्रिया काय होती हेही तिने सांगितलं आहे. मी माझ्या वडिलांना सांगितलं तेव्हा ते म्हणाले की “अगं बॉयफ्रेड असेल तो तिचा… असं म्हणाले”, असं क्रांतीने या रीलमध्ये सांगितलं आहे.
View this post on Instagram
क्रांतीचा हा व्हीडिओ अनेकांना आवडला आहे. तिच्या या रीलवर अनेकांनी कमेंट करत आपले अनुभव सांगितलं आहेत. एका युजरने “सेम काल मी पण चप्पल घेतली. मी माझ्या नवऱ्याला म्हणाले, अहो… बघा ना कोणती चप्पल घेऊ? त्यावर ते म्हणाले घे कोणती पण आणि चल…. आता यावर काय बोलायचं सांगा?”, असं ही युजर म्हणाली आहे.
संबंधित बातम्या
The Kashmir Files मध्ये वाशिमच्या मराठमोळ्या बालकलाकाराने साकारली भूमिका; दोन महिने कडाक्याच्या थंडीत केलं शूटिंग
Gayathri Accident: मैत्रिणींसोबतची होळी ठरली शेवटची; प्रसिद्ध अभिनेत्रीचा अवघ्या 26 वर्षी अपघातात मृत्यू
The Kashmir Filesची कथा काल्पनिक असल्याचा आरोप करणाऱ्यांवर पल्लवी जोशी भडकल्या; म्हणाल्या..
