सुशांत सिंह राजपूतचा केंद्र सरकार सन्मान करणार; नॅशनल अ‍ॅवार्डला सुशांतचे नाव देण्याचा विचार सुरू!

सुशांतसिंह राजपूत

मुंबई : सुशांत सिंह राजपूतचे (Sushant Singh Rajput) 9 महिन्यांपूर्वी निधन झाले आहे. सुशांतच्या अशा अचानक जाण्याने सर्वांनाच खूप मोठा धक्का बसला होता. सध्या एक चर्चा सर्वत्र आहे की, केंद्र सरकार एका नॅशनल अवॉर्डला सुशांत सिंह राजपूतचे नाव देण्याच्या तयारीत आहे. सुशांतचे निधन झाल्यानंतर त्याचा एक बायॉपिक तयार करण्याची घोषणा करण्यात आली होती. मात्र, त्याचे पुढे काय झाले हे अद्याप कळू शकले नाही. (Possibility of giving National Award in the name of ‘Sushant Singh Rajput’)

केंद्र सरकार नेमक्या कुठल्या अवॉर्डला सुशांतचे नाव देणार हे अद्याप समजू शकले नाही.
4 जून रोजी सुशांत सिंह राजपूत त्याच्या मुंबईच्या घरी मृत अवस्थेत आढळला होता. त्यानंतर आतापर्यंत या प्रकरणाचा तपास सुरू आहे. रिया चक्रवर्तीला सुशांत सिंह राजपूत मृत्यू ड्रग्स प्रकरणात एनसीबीने अटक केली होती. रिया जवळपास 1 महिना तुरूंगात होती. त्यानंतर मुंबई उच्च न्यायालयाने रियाला जामीन मंजूर केला होता.

स्टार प्लसवर ‘किस देश मे है मेरा दिल’ मालिकेतून 2008 मध्ये टीव्ही क्षेत्रात सुशांतने पदार्पण केलं होतं. त्यानंतर झी टीव्हीवर ‘पवित्र रिश्ता’ मालिका प्रचंड गाजली होती. पवित्र रिश्ता मालिकेतील सहअभिनेत्री अंकिता लोखंडे सोबत सुशांतची जोडी अत्यंत लोकप्रिय ठरली होती. सुशांत आणि अंकिता काही वर्ष लिव्ह इन रिलेशनशिपमध्ये होते.

मात्र, दोन वर्षांपूर्वी दोघं विभक्त झाले होते. 2013 मध्ये ‘काय पो छे’ चित्रपटातून सुशांतने बॉलिवूडमध्ये पाऊल ठेवलं. त्यानंतर शुद्ध देसी रोमान्स, डिटेक्टीव्ह ब्योमकेश बक्षी, पीके असे सिनेमे गाजले. एम एस धोनी चित्रपटात त्याने धोनीची भूमिका केली होती. या भूमिकेने तो यशोशिखरावर पोहोचला.

संबंधित बातम्या :

Video : सोनू सूदने उघडला ढाबा, खवय्यांना दिलं आवतन; म्हणाला…

सैफ-करीनाच्या बाळाचं नाव काय असेल?; रणधीर कपूर म्हणतात…

सर्वोत्कृष्ट अभिनेत्याचा पुरस्कार मिळाल्यानंतर बॉबी देओलने शेअर केला फोटो!

(Possibility of giving National Award in the name of ‘Sushant Singh Rajput’)