प्रियांका चोप्रा – निक जोनस यांच्या लेकीचा वाढदिवस मोठ्या जल्लोषात साजरा; कसं झालं सेलिब्रेशन?

प्रियांका चोप्रा - निक जोनस यांच्या लेकीचा वाढदिवस मोठ्या जल्लोषात साजरा; कसं झालं सेलिब्रेशन?

मुंबई : अभिनेत्री प्रियांका चोप्रा हिने आपल्या अभिनयाने आणि सौंदर्याने चाहत्यांच्या मनावर राज्य केलं. बॉलिवूडमध्ये स्वतःचं स्थान भक्कम केल्यानंतर प्रियांकाने आपला मोर्चा हॉलिवूडकडे वळवला आणि परदेशातही मानाचा तुरा रोवला. त्यानंतर प्रियांकाने अमेरिकन गायक निक जोनस याच्यासोबत लग्न केलं. लग्नानंतर प्रियंका परदेशात राहते. कायम खासगी आयुष्यामुळे चर्चेत असणारी प्रियांना गेल्या वर्षी सेरोगसीच्या माध्यमातून गोंडस मुलीला जन्म दिला. अभिनेत्रीच्या मुलीचं नाव मालती मेरी आहे.

नुकताच प्रियांका आणि निक यांनी लेकीचा वाढदिवस मोठ्या उत्साहात साजरा केला. याच दरम्यान, निकने लेकीच्या वाढदिवसाबद्दल सांगितलं. नुकताच निक एका शोमध्ये पोहोचला होता. तेव्हा त्याला मालती मेरी हिच्या वाढदिवसाचं सेलिब्रेशन कसं झालं याबद्दल सांगितलं.

निक जोनस म्हणाला, ‘आमच्या मुलीच्या आयुष्याती काही भाग अत्यंत अडचणींचा होता. या वीकेंडला मालती मेरी एक वर्षांची झाली आहे. म्हणून तिचा वाढदिवस मोठ्या जल्लोषात आम्ही साजरा केला. ती प्रचंड क्यूट आणि बेस्ट आहे.’ असं देखील निक जोनस म्हणाला. सध्या सर्वत्र निक आणि प्रियांका यांच्या लेकीच्या वाढदिवसाची चर्चा रंगत आहे.

प्रियांका कायम लेकीसोबत फोटो सोशल मीडियावर शेअर करत असते. पण अद्याप तिने लेकीचा चेहरा चाहत्यांना दाखवलेला नाही. प्रियंकाने सोशल मीडियाच्या माध्यामातून आई झाल्याची माहिती चाहत्यांना दिली. तेव्हा चाहत्यांनी तिच्यावर आनंदाचा वर्षाव केला.

लोकीचा जन्म झाल्यानंतर सोशल मीडियावर एक पोस्ट शेअर करत प्रियांका म्हणाली, ‘सरोगसीद्वारे आम्ही मुलीचं स्वागत केलं आहे हे जाहीर करताना आम्हाला खूप आनंद होत आहे.’ प्रियांकाची ही पोस्ट तुफान व्हायरल झाली. आता प्रियांका आणि निक यांची मुलगी मालती मेरी एक वर्षांची झाली आहे.