आई होण्यासाठी प्रियांका चोप्रा आतूर
सिनेमाचं प्रमोशन करताना प्रियांकाने खाजगी आयुष्यातील अनेक गोष्टीही उघड केल्या, ज्यात तिने आपण आई होण्यासाठी आतूर असल्याचंही सांगितलं.
मुंबई : द स्काय इज पिंक सिनेमाच्या रिलीजपूर्वी अभिनेत्री प्रियांका चोप्रा (Priyanka Chopra Mother) जोरदार प्रमोशन करत आहे. भारतातील प्रमोशनल इव्हेंट्स संपल्यानंतर ती (Priyanka Chopra Mother) अमेरिकेतही सिनेमाचं प्रमोशन करत आहे. सिनेमाचं प्रमोशन करताना प्रियांकाने खाजगी आयुष्यातील अनेक गोष्टीही उघड केल्या, ज्यात तिने आपण आई होण्यासाठी आतूर असल्याचंही सांगितलं.
काही वृत्तांनुसार, पती निक जॉनससोबत कुटुंबाची सुरुवात करण्याबाबतच्या प्रश्नावर प्रियांका उत्तर देत होती. आता जास्त वेळ मी वाट पाहू शकत नाही, असं ती म्हणाली. देवाच्या आशीर्वादाने सर्वांच्या आयुष्यात चांगले क्षण येतात आणि निकसह मी या क्षणांची वाट पाहत आहोत, असं प्रियांकाने सांगितलं.
दरम्यान, प्रियांका चोप्राने एका मुलाखतीत लेडी बॉन्ड बनण्याचीही इच्छा व्यक्त केली. तिला प्रश्न विचारण्यात आला की, जर जेम्स बॉन्डमध्ये पुरुषाच्या जागी स्त्री बॉन्ड असेल तर या पात्रासाठी कोण योग्य असेल? या प्रश्नाचं उत्तर देताना तिने स्वतःचीच निवड केली.
Walking towards the release day be like! #3DaysToGo! #TheSkyIsPink in cinemas Oct 11!@FarOutAkhtar @ZairaWasimmm #RohitSaraf #ShonaliBose @RonnieScrewvala @RSVPMovies #SiddharthRoyKapur @roykapurfilms @ipritamofficial @PurplePebblePic #SKGlobal pic.twitter.com/2jtQ4nNykm
— PRIYANKA (@priyankachopra) October 8, 2019
प्रियांकाचा द स्काय इज पिंक हा सिनेमा 11 ऑक्टोबरला रिलीज होत आहे. शोनाली बोस दिग्दर्शित हा सिनेमा एका प्रेम कथेवर आधारित आहे. प्रियांकाकडून या सिनेमाचं जोरदार प्रमोशन सुरु आहे. भारतात अनेक ठिकाणी प्रमोशन केल्यानंतर तिने आता अमेरिकेत प्रमोशन सुरु केलंय. पती निक जॉनसनेही तिला प्रमोशनमध्ये साथ दिली.
