Rajpal Yadav: तिहार जेलमध्ये पलटले राजपाल यादवचे नशीब! मिळाली ‘लाइफ-चेंजिंग’ ऑफर
Rajpal Yadav: बॉलिवूड अभिनेते राजपाल यादव सध्या खासगी आयुष्यामुळे चर्चेत आहे. पण तुरुंगात शिक्षा भोगत असतानाच त्याचे नशीब पलटले आहे. त्याला लाइफ-चेंजिंग ऑफर मिळाली आहे.
बॉलिवूड अभिनेते राजपाल यादव सध्या आयुष्यातील सर्वात कठीण काळातून जात आहेत. जुने ९ कोटींचे कर्ज प्रकरण आणि त्यावरील व्याजामुळे त्यांना दिल्लीच्या तिहार जेलमध्ये राहावे लागत आहे. “माझ्याकडे आता एक रुपयाही उरलेला नाही,” असे हताश होऊन ते बोलले होते. या कठीण प्रसंगी त्याच्या मदतीला आधी सलमान खान धावला नंतर अजय देवगण आणि सोनू सूद यांनी मदत केली आहे. आता शिक्षा भोगत असतानाच राजपाल यादव लखपती झाल्याचे समोर आले आहे. त्याला मोठी ऑफर आली आहे.
आता मात्र मनोरंजन क्षेत्रातील एक मोठे नाव राजपाल यादवच्या पाठीशी ठाम उभे राहिले आहे. टीव्हीएफ (The Viral Fever) जी ‘पंचायत’, ‘गुल्लक’, ‘ये मेरी फॅमिली’, ‘कॉमेडी ऑन डिलिव्हरी’ सारख्या लोकप्रिय वेब सीरिजेससाठी ओळखली जाते त्यांनी राजपाल यादवला पाठिंबा दिला आहे. त्यांनी सोशल मीडियावर एक भावनिक पोस्ट शेअर करत राजपाल यादवला पाठिंबा दिला आहे.
काय आहे पोस्ट?
टीव्हीएफने आपल्या अधिकृत सोशल मीडिया हँडलवर एक हृदयस्पर्शी पोस्ट लिहिली आहे. “या कठीण काळात आम्ही राजपाल यादव सर यांच्यासोबत उभे आहोत. राजपालजी, तुमच्या अभिनयाने गेल्या अनेक दशकांपासून करोडो लोकांच्या चेहऱ्यावर हास्य उमटले आहे. आम्ही तुमच्यासोबत आहोत आणि आम्हाला तुमच्यासोबत एक खास, अर्थपूर्ण वेब सीरिज बनवायला नक्कीच आवडेल. अशी एक सीरिज जिथे प्रेक्षक तुमची ती जादुई कॉमेडी पुन्हा एकदा जवळून अनुभवू शकतील” या आशयाची पोस्ट त्यांनी केली आहे.
कर्ज कसे वाढले?
2012 साली राजपाल यादवने स्वतः दिग्दर्शित केलेला चित्रपट ‘अता पता लापता’ साठी 5 कोटी रुपयांचे कर्ज घेतले होते. दुर्दैवाने हा चित्रपट बॉक्स ऑफिसवर फ्लॉप ठरला. त्यानंतर व्याज आणि इतर कारणांमुळे ही रक्कम 9 कोटींपर्यंत पोहोचली. कर्ज फेडण्याची तजवीज न झाल्याने कोर्टाने त्यांना सरेंडर करण्याचा आदेश दिला आणि सध्या ते तिहार जेलमध्ये शिक्षा भोगत आहेत.
जेलमधून बाहेर पडताच कामाचा ओघ
टीव्हीएफसारख्या मोठ्या आणि विश्वासार्ह प्लॅटफॉर्मकडून मिळालेली ही ऑफर राजपाल यादव यांच्यासाठी खूप मोठी आशा आहे. जेलमधून सुटका झाल्यानंतर त्यांच्यासमोर कामाची संधी असेल आणि या प्रोजेक्टमधून मिळणाऱ्या कमाईतून ते आपले कर्ज हळूहळू फेडू शकतील, असा चाहत्यांना विश्वास आहे.
