Ram Charan Daughter Name | राम चरण आणि उपासना यांनी मुलीचे नाव ठेवले अत्यंत खास, अभिनेत्रीने केली मोठी घोषणा

मुंबई : राम चरण आणि उपासना यांच्या घरी 20 जून रोजी एका गोंडस मुलीने जन्म घेतला. राम चरण (Ram Charan) याने आपल्या चाहत्यांसोबत ही खास बातमी शेअर केली होती. आज राम चरण आणि उपासना यांच्या मुलीचा नामकरण सोहळा होता. हा नामकरण सोहळा अत्यंत खास लोकांच्या उपस्थितीमध्ये पार पडलाय. या नामकरण सोहळ्याची झलक चाहत्यांसोबत शेअर देखील करण्यात आलीये. उपासना हिने नामकरण सोहळ्यातील काही खास फोटो (Photo) हे सोशल मीडियावर शेअर केले आहेत. या फोटोमध्ये राम चरण याचे आई वडील आणि उपासनाचे आई वडील हे दिसत आहेत. राम चरण आणि उपासना (Upasana) यांनी त्यांच्या मुलीचे नाव अत्यंत खास ठेवले आहे.

उपासना हिने सोशल मीडियावर पोस्ट शेअर करत त्यांच्या मुलीच्या नावाची घोषणा केली आहे. आता उपासना हिची ही पोस्ट सोशल मीडियावर तूफान व्हायरल होताना दिसतंय. राम चरण आणि उपासना यांनी त्यांच्या मुलीचे नाव कलिन कारा कोनिडेला असे ठेवले आहे. विशेष म्हणजे चाहत्यांना देखील त्यांच्या मुलीचे नाव प्रचंड आवडले आहे.

उपासना हिने पोस्ट शेअर करत म्हटले की, ललिता सहस्रनामातून घेतलेल्या या नावाचा अर्थ आध्यात्मिक जागृती आणणाऱ्या ऊर्जेचे प्रतीक आहे. आजी आणि आजोबांकडून आमच्या मुलीला खूप हग…आता उपासना हिने शेअर केलेल्या पोस्टवर अनेकजण कमेंट करताना दिसत आहेत. उपासनाची पोस्ट व्हायरल होत आहे.

उपासना हिने शेअर केलेल्या फोटोमध्ये सर्वजण पारंपारिक कपड्यांमध्ये दिसत आहेत. या फोटोमध्ये उपासना आणि राम चरण यांचा लूक जबरदस्त दिसत आहे. या फोटोमध्ये खास डेकोरेशन केल्याचे देखील दिसत आहे. मात्र, उपासना आणि राम चरण यांनी त्यांच्या मुलीचा चेहरा दाखवला नाही. चाहते उपासना आणि राम चरण यांच्या मुलीची झलक पाहण्यास आतुर आहेत.

उपासना हिने शेअर केलेल्या पोस्टवर चाहते कमेंट करत त्यांचे अभिनंदन करताना दिसत आहेत. लग्नाच्या 11 वर्षांनंतर राम चरण आणि उपासना आई बाबा झाले आहेत. हैद्राबादमधील अपोलो रुग्णालयात उपासनाने गोंडस मुलीला जन्म दिला होता. मेगास्टार चिरंजीवी हे आजोबा झाले आहेत. मुलीच्या जन्माची बातमी कळताच चाहत्यांनी रामचरण आणि उपासना यांना शुभेच्छा देण्यास सुरूवात केली.