Dhurandhar : फक्त 16 रुपयात धुरंधर पाहा… अशी होतेय जोरात विक्री; सर्वच थक्क

Dhurandhar: ‘धुरंधर’ सिनेमाने संपूर्ण जगात धुमाकूळ घातल्यानंतर आता ‘धुरंधर 2’ सिनेमाच्या प्रतिक्षेत चाहते आहेत. ‘धुरंधर’ सिनेमा अद्यापही बक्कळ कमाई करताना दिसत आहे. सिनेमाने जगभरात तब्बल 1300 कोटी रुपयांची कमाई केली आहे. एवढंच नाही तर, पाकिस्तान सारख्या गल्फ केंट्रीजमध्ये बॅन असताना देखील पाकिस्तान ‘धुरंधर’ सिनेमाच्या जोरावर कमाई करत आहे. नेटफ्लिक्सवर देखील सिनेमा प्रदर्शित करण्यात आला आहे. तर दुसरीकडे, धुरंधर सिनेमा पाहण्यासाठी पाकिस्तानातील लोकं उत्सक आहेत. दरम्यान, एका युट्यूबरने कराचीच्या एका बाजारपेठेचा व्हिडिओ पोस्ट केला, ज्यामध्ये बंदी असूनही सिनेमा पाकिस्तानात विकला जात असल्याचं उघड झालं. तसेच, लोक पायरेटेड प्रती किती किमतीत खरेदी करत आहेत ते देखील समोर आलं आहे.

रणवीर सिंगच्या “धुरंधर” सिनेमाला सर्व स्तरातून प्रचंड प्रेम मिळत आहे. पण, हा सिनेमा नेटफ्लिक्सवर प्रदर्शित होताच, पाकिस्तानमधील लोक तो पाहण्यासाठी उत्सुक झाले आहेत. तेथील लोक सिनेमाच्या गाण्यांचे रील व्हिडिओ बनवतानाही दिसले आहेत. धुरंधर सिनेमाच्या दुसऱ्या भागामध्ये रणवीर सिंग ल्यारीचा राजा बनण्यासाठी मोठी लढाई लढताना दिसणार आहे, तर धुरंधरच्या पायरेटेड प्रती पाकिस्तानमध्ये स्वस्तात विकल्या जात आहेत… हे देखील समोर आलं आहे.

A YouTuber from NZ Karl Rock discovers pirated copies of Dhurandhar movie being sold openly in Pakistan for PKR 50 (INR 16) pic.twitter.com/J82E1BeYRT

— Lord Immy Kant (@KantInEastt) February 12, 2026

न्यूझीलंडचा युट्यूबर कार्ल रॉक याने एक व्हिडिओ पोस्ट केला आहे, ज्यामध्ये असा दावा करण्यात आला आहे की, रणवीर सिंगच्या “धुरंधर” सिनेमाच्या पायरेटेड प्रती पाकिस्तानी दुकानांमध्ये फक्त 50 रुपये, अंदाजे 16 रुपयांना उघडपणे विकल्या जात आहेत.

भारतीय सिनेमांवर अधिकृत बंदी असूनही पाकिस्तानात विकल्या जाणाऱ्या धुरंधरसह अनेक सिनेमांच्या डीव्हीडी कार्ल हायलाइट करताना व्हिडीओत दिसत आहेत. सांगायचं झालं तर, रणवीर याची आजी – आजोबा फाळणी झाली तेव्हा पाकिस्तानातून भारतात आले होते आणि रणवीर सिंधी आहे… असं देखील कार्ल व्हिडीओमध्ये बोलताना दिसत आहे.