या देशात रणवीर सिंहच्या ‘धुरंधर’ची वाईट अवस्था, बॉक्स ऑफिसवर ठरला डिझास्टर
धुरंधर हा सिनेमा प्रदर्शित होताच जगभरात सुपरहिट ठरला होता. या सिनेमाने तुफान कमाई केली होती. पण एक देश असा आहे जिथे हा सिनेमा सुपरफ्लॉप ठरला. पहिल्याच दिवशी या चित्रपटासाठी 900 प्रेक्षक देखील सिनेमागृहामध्ये पोहोचले नाहीत.
बॉलिवूड अभिनेता रणवीर सिंह अभिनीत आणि आदित्य धर दिग्दर्शित ‘धुरंधर’ सिनेमाने जगभरात तुफान कमाई केली. या चित्रपटाने कमाईच्या बाबतीत अनेक चित्रपटांचे रेकॉर्ड मोडले. या सिनेमाला पाकिस्तानमध्येही पसंती मिळाली. पण एक देश असा आहे जिथे हा सिनेमा प्रदर्शित होताच सुपर फ्लॉप ठरला आहे. या चित्रपटाने बॉक्स ऑफिसवर अतिशय शुल्लक कमाई केली आहे. देशात आणि जगभरात ब्लॉकबस्टर कामगिरी करणारा हा सिनेमा इथे प्रेक्षकांना चित्रपटगृहांपर्यंत आकर्षित करण्यात अपयशी ठरली आहे.
कोणत्या देशात ठरला अपयशी
धुरंधर हा सिनेमा जपान या देशात सुपरफ्लॉप ठरला आहे. खरे सांगायचे तर, जपानमध्ये ‘धुरंधर’ला मोठा धक्का बसला आहे. आदित्य धर यांच्या दिग्दर्शनात तयार झालेल्या या मोठ्या बजेटच्या अॅक्शन ड्रामा सिनेमाला १० जुलै रोजी देशभरात सुमारे ८० स्क्रीन्सवर रिलीज करण्यात आले होते. ट्रेड रिपोर्ट्सनुसार, पहिल्या दिवशी ९०० पेक्षाही कमी प्रेक्षकांनी ही फिल्म पाहिली. विशेष म्हणजे, जपानी बाजारात तिच्ये जोरदार प्रमोशन करण्यात आले होते, तरीही तो जपानी बॉक्स ऑफिसवर पहिल्या दिवशी फ्लॅप सिद्ध झाला. त्यासोबतच ही फिल्म जपानमध्ये इतर भारतीय फिल्मच्या तुलनेत सर्वात कमकुवत ओपनिंगपैकी करणारी एक ठरली आहे. आश्चर्याची बाब म्हणजे, ही फिल्म जपानमध्ये पहिल्या दिवशी टॉप २५ फिल्मांमध्येही स्थान मिळवू शकली नाही.
रिलीज स्केल पाहता, ओपनिंगचे आकडे ट्रेडसाठी मोठे सरप्राइज ठरले. रिलीजपूर्वी फिल्मकडून चांगल्या अपेक्षा होत्या. मात्र, जपानी प्रेक्षकांना ही फिल्म आवडली नाही, ज्यामुळे बहुतेक ठिकाणी फारच कमी लोक फिल्म पाहण्यासाठी आले.
‘धुरंधर’ फ्रँचायझीने जगभरात धुमाकूळ घातला होता
जपानमध्ये फिल्मची कमकुवत सुरुवात ही तिच्या जागतिक कामगिरीच्या पूर्ण उलट आहे. डिसेंबर २०२५ मध्ये भारतात रिलीज झालेल्या ‘धुरंधर’ने आणि मार्च २०२६ मध्ये रिलीज झालेल्या त्याच्या सीक्वल ‘धुरंधर: द रिवेंज’ने मिळून जगभरात ३००० कोटींपेक्षा जास्त कमाई केली, ज्यामुळे ही स्पाय थ्रिलर ही कामगिरी करणारी पहिली भारतीय फिल्म फ्रँचायझी ठरली. फ्रँचायझीच्या मागील यशाने जपानमध्ये तिच्या रिलीजबाबत मोठ्या अपेक्षा निर्माण केल्या होत्या, ज्यावर आता पाणी फिरले आहे.
जपानमध्ये ‘धुरंधर’ची सुरुवात का अशी झाली?
विशेष म्हणजे, जपानमध्ये ‘आरआरआर’ आणि ‘साहो’ सारख्या अनेक भारतीय फिल्म यशस्वी ठरल्या आहेत आणि त्यांनी ओपनिंग डेला खूप मोठ्या प्रमाणात प्रेक्षक जमवले होते. याच्या उलट, ‘धुरंधर’ची सुरुवात ‘पुष्पा २’ सारखीच मंद राहिली. खरं तर ‘पुष्पा २’ लाही रिलीजपूर्वी जबरदस्त चर्चा असूनही पहिल्या दिवशी ९०० पेक्षा कमी प्रेक्षक मिळाले होते. हा ट्रेंड दर्शवतो की, जपानी बाजारात जागतिक लोकप्रियतेला बॉक्स ऑफिस यशात रूपांतरित करणे हे एक आव्हान आहे.
