Saif Ali Khan : सैफ अली खानचाच चित्रपट त्यात विलनचं नाव ‘तैमूर’, पाकिस्तानात या चित्रपटावर बंदी

सैफ अली खान बॉलीवूडच्या दिग्गज कलाकारांपैकी एक आहे. त्याने आपल्या करिअरमध्ये एकापेक्षाएक सरस सिनेमे दिले आहेत. सैफ अली खान चित्रपटांशिवाय आपल्या कुटुंबामुळे सुद्धा चर्चेत असतो. त्याचा मुलगा तैमूर याची नेहमीच मीडियामध्ये चर्चा असते. आता आम्ही तुम्हाला सैफ अली खानचा एक चित्रपट आणि त्यातल्या विलनबद्दल सांगणार आहोत. 23 मार्च 2012 रोजी सैफ अली खानचा स्पाय थ्रिलर चित्रपट थिएटरमध्ये रिलीज झाला. त्या चित्रपटाचं नाव होतं एजंट विनोद. सैफ अली खानने या चित्रपटात फक्त मुख्य भूमिकाच केली नाही, तर त्याने निर्मिती सुद्धा केली होती. श्रीराम राघवन या चित्रपटाचे दिग्दर्शक होते. जेम्स बॉन्ड स्टाइलमध्ये या चित्रपटाची एक्शन-पॅक्ड स्टोरी होती. यात सैफ एजंट विनोदच्या रोलमध्ये दिसला. करीना कपूरने त्याच्या सोबत परवीन बिल्ललचा रोल प्ले केलेला. चित्रपटात ग्लोबल कॉन्सपिरेसी, हाय-वोल्टेज एक्शन सीक्वेंस आणि स्टायलिश लोकेशन्स भरपूर होते.

पाकिस्तानी सेन्सॉर बोर्डाने या चित्रपटावर बंदी घातली होती. कारण या चित्रपटाच्या कथेमध्ये पाकिस्तानची गुप्तचर संस्था ISI चा उल्लेख होता. काही सीन्समध्ये पाकिस्तानला नकारात्मक पद्धतीने दाखवण्यात आलेलं. सैफ अली खान त्यावेळी बोललेला की, हा चित्रपट कुठल्या देशाच्या विरोधात नाही. एक फिक्शनल स्पाय थ्रिलर आहे. पण पाकिस्तानात हा चित्रपट प्रदर्शित होऊ दिला नाही.

ऐतिहासिक तैमूर लंगला लोक क्रूर विजेता मानतात

या चित्रपटात विलनच नावं तैमूर होतं. गुलशन ग्रोवरने हा रोल प्ले केलेला. एक खतरनाक इंटरनॅशनल गुन्हेगाराच्या रुपात गुलशन ग्रोवरला दाखवलं होतं. खास बाब म्हणजे काही वर्षांनी सैफ अली खान आणि त्याची पत्नी करीना कपूरने त्यांच्या पहिल्या मुलाचं नाव तैमूर ठेवलं. 2016 साली तैमूरचा जन्म झाला. या नावावरुन सोशल मीडियावर बराच वादविवाद झाला. सैफ आणि करीनाला मुलाचं नाव तैमूर ठेवलं म्हणून लोक आजही ट्रोल करतात. ऐतिहासिक तैमूर लंगला लोक क्रूर विजेता मानतात. एजेंट विनोदला मिक्स्ड रिव्यूज मिळाले होते. एक्शन आणि विजुअल्सच कौतुक झालेलं. पण स्क्रिप्टवर काही प्रश्न उपस्थित झालेले. बॉक्स ऑफिसवर हा चित्रपट सरासरीच ठरला.