नाशिकच्या शहर आणि जिल्ह्यात भूकंपाचे धक्के, ४.३ रिश्टर स्केलचे धक्के जाणवल्याने घबराट

नाशिक जिल्ह्यात शनिवारी रात्री दहा वाजण्याच्या सुमारास भूकंपाचे धक्के जाणवल्याने घबराट पसरली आहे. नाशिकच्या ग्रामीण भागात गेले काही दिवस भूकंपाचे धक्के जाणवत होते. आजही नाशिक जिल्ह्यातील शहरी भागातही भूकंपाचा धक्का जाणवल्याने घबराट पसरली आहे. गेले काही दिवस ग्रामीण भागात जाणवलेले धक्के आता शहरी भागातही जाणवू लागल्याने नागरिकांमध्ये तणावाचे वातावरण आहे.

नाशिकच्या ग्रामीण भागात यापूर्वी भूकंपाचे धक्के काही दिवसांपासून जाणवत होते. मात्र आज रात्री १०.१० मिनिटांनी शहरी भागातही भूकंपाचे धक्के जाणवले आहेत. या भूकंपाच्या धक्क्यामुळे अनेक भागात घरातील भांडी पडल्याच्या घटना घडल्या आहेत.त्यामुळे नागरिकांमध्ये घबराट पसरली आहे. गेल्या काही दिवसांपासून नाशिकच्या ग्रामीण भागात धक्के जाणवले होते. आता नाशिकच्या शहरी भागातही भूकंपाचे धक्के जाणवले आहेत.

नाशिक शहरातील इंदिरानगर परिसर, मेन रोड परिसर, पंचवटी, हिरावाडी, पाथर्डी पाडा परिसरासह या शहरी भागासह ग्रामीण भागातील कसारा घाटापासून रामशेत किल्ल्याच्या परिसरात हे भूकंपाचे धक्के जाणवले आहे. या भूकंपाची तीव्रता कमी होती. रिश्टर स्केलवर ती ४.३ असल्याची माहिती जिल्हा प्रशासनाने दिली आहे. त्यामुळे नागरिकांनी अजिबात घाबरुन जाऊ नये असे आवाहन करण्यात आले आहे.  मात्र, प्रशासनाने या प्रकरणात आता दक्षता बाळगण्यास सुरुवात केली आहे.

ही बातमी आताच ब्रेक झाली आहे. या बातमीला आम्ही अजुनही अपडेट करत आहोत. तुम्हाला सर्वात आधी माहिती पोहोचवण्याचा आमचा प्रयत्न आहे. त्यामुळे ह्या पेजला रिफ्रेश करत चला. तसेच आमच्या इतर स्टोरीज वाचण्यासाठी इथं क्लिक करा.