प्रसिद्ध क्रिकेटपटूची सून आहे सानिया मिर्झाची बहीण, कोट्यवधींचा उद्योग… शाही महालात जगते आलिशान आयुष्य

सानिया मिर्झा हिने तर स्पोर्ट्सवुमन म्हणून जगाभरात स्वतःचं नाव मोठं केलं आहे. पण सानिया हिची लहान बहीण अनम मिर्झा देखील एखाद्या स्टारपेक्षा कमी नाही. फॅशन जगतात अनम हिचं नाव फार मोठं आहे. अनम एक प्रसिद्ध फॅशन डिझायनर आणि एंटरप्रेन्योर आहे. पण अनम हिच्याबद्दल फार कोणाला माहिती नाही. 1994 मध्ये हैदराबाद येथे जन्मलेल्या अनम हिने मास कम्युनिकेशन आणि मीडिया स्टडीजमध्ये शिक्षण पूर्ण केलं. त्यानंतर अनम हिने 2013मध्ये आपल्या उद्योजकतेच्या प्रवासाला सुरुवात केली.

अनम हिने हैदराबाद याठिकाणी ‘इंक टू चेंज’ नावाने पहिलं व्हेंचर सुरु केलं. जी एक न्यूज बेस्ट वेबसाइट होती. वेबसाइटच्या यशानंतर अनम हिने फॅशन विश्वात पदार्पण केलं. तिने ‘द लेबल बाजार’ नावाचा स्वतःचा फॅशन ब्रँड सुरू केला. हा ब्रँड तिच्या उत्कृष्ट डिझाइन्स आणि अनोख्या लूकमुळे ओळखला गेला. ॲक्सेसरीज, बॅग्ज आणि शूजपासून ते ब्युटी ब्रँड्सपर्यंत, फॅशनप्रेमींना आवश्यक असलेल्या सर्व गोष्टी येथे मिळतात.

सांगायचं झालं तर, अनम मिर्झा कोट्यवधी रुपयांचे कपड्यांचे अनेक वेगवेगळे व्यवसाय चालवते. सानियाच्या बहुतेक कपड्यांचे डिझाइनदेखील अनमच करते… डिझायनर आणि व्यावसायिक असण्यासोबतच, ती एक प्रसिद्ध यूट्यूबरसुद्धा आहे. तिचे फॅमिली व्लॉग्स यूट्यूबवर लोकप्रिय आहेत. ती तिच्या आणि तिची बहीण सानियाच्या आयुष्यातील घडामोडी शेअर करते.

अनम हिच्या खासगी आयुष्याबद्दल देखील फार कोणाला माहिती नाही. अनम हिने दोन लग्न केली आहेत. अनम हिचं पहिलं लग्न हैदराबाद येथील उद्योजर अकबर रशीद याच्यासोबत झालं. 2016 मध्ये अनम आणि अकबर यांनी लग्न केलं. पण त्यांचं लग्न दोन वर्ष देखील टिकलं नाही. अखेर 2018 मध्ये त्यांचा घटस्फोट झाला. पण घटस्फोटाचं खरं कारण समोर आलं नाही.

पहिल्या घटस्फोटानंतर अनम हिने माजी भारतीय क्रिकेटर मोहम्मद अजहरुद्दीन यांचे पूत्र मोहम्‍मद असदुद्दीन याच्यासोबत केलं. लग्नानंतर दोघांना एका गोंडस मुलीचं जगात स्वागत केलं. त्यांच्या मुलीचं नाव दुआ असं आहे… अनम आता पती आणि मुलीसोबत हैदराबाद येथील आलिशान घरात राहते.

अनम एका आलिशान बंगल्यात राहते, जो एखाद्या राजवाड्यापेक्षा कमी नाही. तिच्या बंगल्याची किंमत अंदाजे 13 कोटी रुपये असल्याचं म्हटलं जातं आणि ती अत्यंत ऐषआरामाचे जीवन जगते. अनम हिच्या संपत्तीबद्दल सांगायचं झालं तर, रिपोर्टनुसार, अनम 331 कोटींची मालकीण आहे.