Aai Kuthe Kay Karate : तुमची लाडकी संजना म्हणते, ‘पाऊस माझ्या खूप जवळचा आहे…’, सेटवर भरपावसात धम्माल मस्ती
महत्त्वाचं म्हणजे पावसात भिजण्याची एकही संधी रुपाली भोसले सोडत नाही. दरवर्षी मित्रमंडळींसोबत बँड स्टॅण्डला जाऊन मनसोक्त पावसाचा आनंद ती घेते. (Sanjana from Aai kuthe kay karate serial says, 'Rain is very close to me ...', fun on set)
मुंबई : पावसाळा हा अनेकांचा आवडता ऋतू आहे. सृष्टीला नवचैतन्य बहाल करणारा हा किमयागार प्रत्येकालाच हवाहवासा वाटतो. ‘आई कुठे काय करते‘ (Aai Kuthe Kay Karate) मालिकेत संजनाची भूमिका साकारणारी अभिनेत्री रुपाली भोसलेचा देखील पावसाळा हा आवडता ऋतू आहे.
महत्त्वाचं म्हणजे पावसात भिजण्याची एकही संधी रुपाली भोसले सोडत नाही. दरवर्षी मित्रमंडळींसोबत बँड स्टॅण्डला जाऊन पावसात मनसोक्त भिजणं, मक्याचं कणीस आणि आईस्क्रीम खाणं हा तिचा ठरलेला नेम असतो. सध्या लॉकडाऊनमुळे हे करणं किंवा हा आनंद घेणं शक्य नाहीये. मात्र मालिकेचं शूटिंग सध्या सिल्वासामध्ये सुरु असल्यामुळे सेटवरच तिनं पावसाचा आनंद घेतला आहे. मस्त पावसात भिजण्याचा आनंद तिनं लुटला आहे.
रुपाली म्हणते, पाऊस माझ्या खूप जवळचा आहे…
रुपाली सांगले, ‘मी विरारला रहाते. माझ्या बाल्कनीत तर मी छोटीशी बागच तयार केलीय. पावसाळ्यात तर इथला नजारा मन प्रसन्न करुन टाकणारा असतो. याच दरम्यान मोगऱ्याला बहर येतो. घरभर पसरणारा मोगऱ्याचा सुवास मन मोहित करुन टाकतो. यंदा तर माझ्या आईनं काकडीची वेलही लावली आहे. त्यामुळे घरगुती काकडीचा आस्वाद घ्यायला मिळणार आहे. विरारला राहात असल्यामुळे डोंगर, हिरवळ हे अनुभवता येतं. पावसामुळे वातावरणात आलेला गारवा, डोंगराच्या कुशीतून मनसोक्त उधळणारे धबधबे हे मला खूप आवडतं. त्यामुळे पाऊस माझ्या खूप जवळचा आहे.’
रुपाली भोसलेने तिच्या फिटनेसचं रहस्य…
स्टार प्रवाहवरील ‘आई कुठे काय करते’ (Aai Kuthe Kay Karte) या मालिकेने प्रेक्षकांच्या मनात वेगळं स्थान निर्माण केलं आहे. कलाकारांचे दमदार अभिनय आणि तितक्याच ताकदीचे संवाद आणि दिग्दर्शनामुळे मालिका सध्या महाराष्ट्राच्या घराघरात पोहोचली आहे. नुकतंच या मालिकेत संजनाची भूमिका साकारणारी अभिनेत्री रुपाली भोसलेने तिच्या फिटनेसचं रहस्य सांगितलं. ‘सेटवर मी अपूर्वा गोरे आणि गौरी कुलकर्णी म्हणजेच मालिकेतली इशा आणि गौरी आम्ही तिघी न चुकता व्यायाम करतो. योगाच्या आसनांसोबतच निसर्गरम्य वातावरणात तासभर चालणं हे आमचं नित्याचं आहे.’ असं ती म्हणाली.
संबंधित बातम्या
Photo : भोजपुरी क्वीन राणी चटर्जीचा हॉटनेस तडका, सोशल मीडियावर फोटोंचा धुमाकूळ
Birthday Special : फॅशन आयकॉन सोनम कपूरचे क्यूट फोटो, वाढदिवशी अनिल कपूरची खास पोस्ट
