शाहरुख खान बॉलिवूडमधून होतोय निवृत्त? किंग खानबद्दल मोठी माहिती समोर

मुंबई | 16 फेब्रुवारी 2024 : बॉलिवूडचा किंग खान अर्थात शाहरुख खान याने आतापर्यंत अनेक हीट सिनेमे बॉलिवूडला दिले आहेत. किंग खान याच्या चाहत्यांची संख्या देखील फार मोठी आहे. शाहरुख खान याने अनेक सिनेमे आजही चाहते तितक्याच आनंदाने पाहातात. दरम्यान, शाहरुख खान याचे अनेक सिनेमे फ्लॉर ठरले. त्यनंतर अभिनेत्याने बॉलिवूडमधून काही वर्षांचा ब्रेक घेतला आणि शाहरुख खान याने ‘पठाण’ सिनेमाच्या माध्यमातून बॉलिवूडमध्ये दमदार कमबॅक केलं. ‘पठाण’ सिनेमानंतर शाहरुख खान याचे ‘जवान’, ‘डंकी’ हे दोन सिनेमे देखील हीट ठरले.

सध्या शाहरुख खान त्याच्या आगामी सिनेमामुळे चर्चेत आहे. नुकताच शाहरुख याला निवृत्तबद्दल विचारण्यात आलं. यावर अभिनेत्याने शेवटचा सिनेमा आणि निवृत्तीबद्दल मोठं वक्तव्य केलं आहे. सध्या सर्वत्र फक्त आणि फक्त शाहरुख खान आणि अभिनेत्याच्या शेवटच्या सिनेमाची चर्चा रंगली आहे.

शाहरुख खान म्हणाला, ‘सर्वात पहिली आणि महत्त्वाची गोष्ट म्हणजे मी पुढचे 30 – 35 वर्ष निवृत्त होणार नाही. माझा शेवटचा सिनेमा हीट ठरवा आणि जगभरात सिनेमाची चर्चा असावी अशी माझी इच्छा आहे..’ एवढंच नाही तर, शाहरुख खान याने चाहत्यांना उर्दू आणि अरेबिक शिकण्याचा देखील सल्ला दिला आहे.

शाहरुख खान याचा आगामी सिनेमा

शाहरुख खान याच्या आगामी सिनेमाबद्दल सांगायचं झालं तर, किंग खान ‘किंग’ सिनेमाच्या माध्यमातून चाहत्यांच्या भेटीस येणार आहे. सिनेमात शाहरुख खान याच्यासोबत लेक सुहाना खान देखील महत्त्वाची भूमिका साकारणार असल्याची चर्चा रंगत आहे. पण यावर अद्याप कोणतीही अधिकृत घोषणा करण्यात आलेली नाही. सध्या सर्वत्र फक्त आणि फक्त शाहरुख खान याची चर्चा रंगली आहे.

गेल्या अनेक वर्षांपासून शाहरुख खान बॉलिवूडमध्ये सक्रिय आहे. सोशल मीडियावर  देखील किंग खान कायम सक्रिय असतो.  सोशल मीडियावर देखील अभिनेत्याच्या चाहत्यांची संख्या देखील फार मोठी आहे. शाहरुख खान चाहत्यांच्या संपर्कात राहण्यासाठी स्वतःचे फोटो आणि व्हिडीओ सोशल मीडियावर पोस्ट करत असतो. चाहते देखील अभिनेत्याच्या प्रत्येक पोस्टवर लाईक्स आणि कमेंटचा वर्षाव करत असतात.