सिद्धार्थ शुक्ला ते राजू श्रीवास्तव.. हार्ट अटॅकमुळे या सेलिब्रिटींनी गमावलं प्राण
बॉलिवूड ते साऊथ सेलिब्रिटींपर्यंत.. हार्ट अटॅकने 'या' सेलिब्रिटींचा घेतला जीव
प्रसिद्ध टेलिव्हिजन अभिनेता सिद्धांत वीर सूर्यवंशीचं आज (11 नोव्हेंबर) जिममध्ये व्यायाम करताना हार्ट अटॅकने निधन झालं. ते 46 वर्षांचे होते. सिद्धांतच्या निधनानंतर हार्ट अटॅकचा मुद्दा एकदा पुन्हा चर्चेत आला आहे. याआधीही हार्ट अटॅकमुळे सेलिब्रिटींना आपले प्राण गमवावे लागले आहे.
अभिनेता सिद्धार्थ शुक्लाचं निधन हार्ट अटॅकमुळेच झालं होतं. 40 व्या वर्षी सिद्धार्थने या जगाचा निरोप घेतला.
बॉलिवूड गायक केके यांनासुद्धा एका कॉन्सर्टदरम्यान हृदयविकाराचा झटका आला होता. कोलकातामधील एका लाइव्ह शोदरम्यान त्यांना हार्ट अटॅक आला होता.
प्रसिद्ध कॉमेडियन राजू श्रीवास्तव यांचंही कार्डिअॅक अरेस्टने निधन झालं. जिममध्ये वर्कआऊट करताना ते अचानक बेशुद्ध झाले होते.
'भाभीजी घर पर हैं' या लोकप्रिय मालिकेतील अभिनेता दीपेश भान यांनासुद्धा हार्ट अटॅक आला होता. ब्रेन हॅमरेजनंतर त्यांचं हृदय धडधडणं बंद झालं होतं.
अभिनेत्री मंदिरा बेदीचा पती आणि प्रसिद्ध निर्माते राज कौशल यांचा मृत्यू हार्ट अटॅकमुळेच झाला होता. ते 50 वर्षांचे होते.
कन्नड चित्रपटसृष्टीतील प्रसिद्ध अभिनेते पुनीत राजकुमार यांना छातीत दुखू लागल्याने रुग्णालयात दाखल करण्यात आलं होतं. त्यानंतर त्यांना मृत घोषित करण्यात आलं होतं. कार्टिअॅक अरेस्टने त्यांचं निधन झाल्याचं नंतर स्पष्ट झालं.