घटस्फोटानंतर खान कुटुंबियांच्या पूर्व सूनेची गगन भरारी… नवऱ्याला सोडताच नवीन सुरुवात…

बॉलिवूडच्या प्रतिष्ठित कुटुंबियांपैकी एक असल्याने खान कुटुंब कायम कोणत्या न कोणत्या कारणामुळे चर्चेत असतं. तर अभिनेता सलमान खान याच्यामुळे देखील खान कुटुंबातील प्रत्येक सदस्याची चर्चा रंगत असते. आता खान कुटुंबियांच्या पूर्व सूनेच्या खासगी आयुष्याची चर्चा रंगली आहे. खान कुटुंबियांची पूर्व सून आणि बॉलिवूड वाइव्स वर्सेज फॅबुलस लाइफ फेम सीमा सजदेह चर्चेत आली आहे. एक काळ असा होता, जेव्हा सीमा खान कुटुंबाची लहान सून होती. सीना हिचं लग्न सोहेल खान याच्यासोबत झालं होतं. पण दोघांचं लग्न फार काळ टिकलं नाही. लग्नाच्या 24 वर्षांनंतर सीमा आणि सोहेल यांनी विभक्त होण्याचा निर्णय घेतला. घटस्फोटानंतर सीमा तिच्या आयुष्यात पुढे गेली आहे. सीमा आता वेगळ्या घरात राहते आणि तिने नव्या युट्यूब चॅनलची देखील सुरुवात केली आहे… एवढंच नाही तर, तिने स्वतःचं घर देखील तयार केलं आहे.

घटस्फोटानंतर सीमा हिने स्वतःचं घर खरेदी केलं असून, घर सजवत आहे. सीमा नव्या घरात लहान मुलगा योहान याच्यासोबत राहणार आहे… सांगायचं झालं तर, सीमा आणि सोहेल यांना दोन मुलं आहे. त्यांच्या मोठा मुलगा निर्वान एकटाच 1 BHK मध्ये राहतो… सीमा रोज निर्वान याला भेटण्यासाठी त्याच्या घरी जाते. आता सीमा हिने तिच्या तयार होत असलेल्या घराची एक झलक दाखवली आहे. सीमाचं घर सजवण्याची जबाबदारी इंटीरियर डिझायनर गौरी खान हिच्यावर आहे.

सोशल मीडियावर एक व्हिडीओ पोस्ट करत सीमा म्हणाली, येत्या दोन महिन्यात माझं ताज महाल तयार होणार आहे… योहान याला त्याच्या रुमसाठी काळा रंग हवा होता. पण त्यासाठी मी स्पष्ट नकार दिला आणि नेव्ही ब्लू रंगात त्याची खोली तयार केली आहे. एवढंच नाही तर, सीमा हिने अर्ध तयार झालेलं किचन देखील दाखवलं आहे. ती म्हणाली, ‘मला कुकिंग करायला प्रचंड आवडतं… किचन मोठं असावं असं माझं स्वप्न होतं… अखेर माझं स्वप्न पूर्ण होत आहे. आता मी तुम्हाला चटपटीत डाएट रेसिपी सांगत जाईल…’, असं देखील सीमा म्हणाली..

सीमा हिच्या खासगी आयुष्याबद्दल सांगायचं झालं तर, सोहेल खान याला घटस्फोट दिल्यानंतर सीमा तिच्या पद्धतीत आयुष्य जगत आहे. घटस्फोटानंतर सीमा एक्स बॉयफ्रेंड विक्रम आहुजा याला डेट करत आहे. दोघांना अनेक ठिकाणी एकत्र स्पॉट देखील करण्यात आलं. सध्या सीमा तिच्या तयार होत असलेल्या नव्या घरामुळे चर्चेत आहे.