सोनाक्षी सिन्हाचं 23 जून रोजी रजिस्टर मॅरेज, त्याच संध्याकाळी होणार वलिमा

सोनाक्षी सिन्हा सध्या तिच्या लग्नामुळे चर्चेत आहे. शत्रुघ्न सिन्हा यांची मुलगी 23 जून रोजी तिचा प्रियकर आणि अभिनेता झहीर इक्बालसोबत विवाह बंधणात अडकणार आहे. हे लग्न मोठ्या पद्धतीने होईल अशी अपेक्षा होती. पण तसं काही होणार नाहीये. बॉलिवूड सेलिब्रिटींच्या विवाहात अनेक मोठे लोकं उपस्थित असतात. पण सोनाक्षीचा विवाह हा झहीर इक्बालच्या घरीच होणार आहे. आतापर्यंत सोनाक्षी सिन्हा आणि झहीर इक्बाल यांनी त्यांच्या लग्नाबाबत अधिकृतपणे काहीही दुजोरा दिलेला नाही. मात्र तयारी जोरात सुरू आहे. सोनाक्षीचे मामा पहलाज निहलानीपासून जवळचे कौटुंबिक मित्र आणि अभिनेत्री पूनम ढिल्लन यांनी लग्नाला दुजोरा दिला आहे. पूनम ढिल्लननेही सांगितले होते की, सोनाक्षीने तिला तिच्या लग्नाची पत्रिका पाठवली आहे.

सोनाक्षी सिन्हा तिच्या आवडत्या व्यक्तीशी लग्न करत आहे. त्यामुळे प्रत्येकजण या विवाहात सहभागी होणार आहे. लग्नासाठी शत्रुघ्न सिन्हा यांचा भाऊही अमेरिकेतून येणार आहे. रजिस्टर मॅरेज झहीर इक्बालच्या घरी होणार आहे.

शिल्पा शेट्टीच्या रेस्टॉरंटमध्ये रिसेप्शन होणार आहे

23 जून रोजी सकाळी सोनाक्षी सिन्हा आणि झहीर इक्बाल रजिस्टर विवाह केल्यानंतर त्याच संध्याकाळी एक भव्य रिसेप्शन (वलीमा) आयोजित केले जाईल, ज्यामध्ये कुटुंब आणि मित्रांव्यतिरिक्त अनेक चित्रपट कलाकार उपस्थित असतील. शिल्पा शेट्टीच्या मालकीच्या मुंबईतील बास्टन रेस्टॉरंटमध्ये वलीमा होणार आहे.

37 वर्षीय सोनाक्षी आणि 35 वर्षीय झहीर 23 जून रोजी कायमचे एकत्र होणार आहेत. अनेकांना प्रश्न पडला होता की लग्न कोणाच्या पद्धतीने होणार. पण आता दोघांचं नोंदणीकृत विवाह होणार असल्याचं समोर आलं आहे. सोनाक्षी आणि झहीर शिल्पा शेट्टीच्या रेस्टॉरंटमध्ये पार्टी होस्ट करणार असल्याचे सांगण्यात येत आहे. यामध्ये सलमान खानसह अनेक नामवंत स्टार्स सहभागी होणार आहेत.