Gadar 2 | सलग ७ व्या दिवशी सनी देओल यांना पाहण्यासाठी चित्रपटगृहात गर्दी, कामाईचा आकडा थक्क करणारा

मुंबई | 18 ऑगस्ट 2023 : ११ ऑगस्ट रोजी प्रदर्शित झालेल्या ‘गदर 2’ सिनेमाची चर्चा रंगत आहेत. देशभरातील थिएटर्समध्ये सनी देओल यांच्या (Sunny Deol) ‘गदर 2’ या चित्रपटाला भरघोस प्रतिसाद मिळतोय. प्रदर्शनाच्या सातव्या दिवशीही अनेक शोज हाऊसफुल्ल आहेत. ‘गदर २’ सिनेमा प्रदर्शणाच्या पहिल्या दिवसापासून तुफान कमाई करताना दिसत आहे. आता सिनेमाच्या सातव्या दिवसाची कमाई देखील समोर आली आहे. अवघ्या सहा दिवसांत या चित्रपटाने कमाईचा 250 कोटी रुपयांचा टप्पा पार केला आहे. एवढंच नाही तर, सिनेमा काही दिवसांत ३०० कोटी रुपयांचा गल्ला पार करेल अशी देखील चर्चा रंगत आहे. सध्या सर्वत्र ‘गदर 2’ सिनेमाची चर्चा रंगत आहे.

सनी देओल आणि अभिनेत्री अमीषा पटेल स्टारर ‘गदर २’ सिनेम रेकॉर्ड ब्रेक कमाई करत आहे. ट्रेंड रिपोर्टनुसार, सनी देओल यांच्या सिनेमाच्या कलेक्शनमध्ये सातव्या दिवशी घट झाली आहे. ‘गदर 2’ ने सातव्या दिवशी 22 कोटींचा गल्ला जमवला आहे. ‘गदर 2’ चित्रपटाची एकूण कमाई आता 283.35 कोटींवर गेली आहे. (Gadar 2 Box Office Collection)

‘गदर 2’ 300 कोटींचा टप्पा लवकरच पार करेल अशी शक्यता वर्तवण्यात येत आहे.. येत्या शनिवारी – रविवारी सिनेमा किती कोटी रुपयांता आकडा पार करेल आणि त्याच्या कलेक्शनमध्ये आणखी काही कोटींची भर पडेल हे पाहणं महत्त्वाचं ठरणार आहे. सातवा दिवस म्हणजे गुरूवारी सिनेमाने 22 कोटी रुपयांचा गल्ला जमा केला. पण थक्क करणारी गोष्ट म्हणजे सुट्टी नसताना देखील सिनेमाने मोठी कमाई केली आहे. ( sunny deol gadar 2 box office collection day 7)

सनी देओल स्टारर ‘गदर 2’ सिनेमा यंदाच्या वर्षातील दुसरा यशस्वी सिनेमा ठरला आहे. अभिनेता शाहरुख खान याच्या ‘पठाण’ सिनेमाने देखील बॉक्स ऑफिसवर राज्य केलं. सिनेमाने फक्त देशातच नाही तर, परदेशात देखील रेकॉर्ड ब्रेक कमाई केली. आता ‘गदर 2’ सिनेमा ‘पठाण’ सिनेमाचा रेकॉर्ड ब्रेक करु शकतो का? हे पाहणं महत्त्वाचं ठरणार आहे .

मीडिया रिपोर्टनुसार, शाहरुख खान स्टारर ‘पठाण’ सिनेमाने 543.05 कोटी रुपयांची कमाई केली होती. ‘गदर 2’ ने ‘द केरला स्टोरी’ सिनेमाचा रेकॉर्ड ब्रेक केला आहे. ‘द केरला स्टोरी’ सिनेमाने बॉक्स ऑफिसवर 242.20 कोटी रुपये कमावले होते. आता ‘गदर 2’ सिनेमा किती कोटी रुपयांची कमाई करेल हे पाहणं महत्त्वाचं ठरणार आहे.