सूर्यकुमार यादव आणि गायिका यांच्यातील खास कनेक्शन, जाणून घ्या काय?

टी-20 विश्वचषक विजेत्या भारतीय क्रिकेट संघाचा कर्णधार आणि स्टार फलंदाज सूर्यकुमार यादव आणि बॉलिवूडची प्रसिद्ध गायिका श्रेया घोषाल यांच्यात एक खास नातं आहे. सूर्यकुमार यादव क्रिकेट विश्वात सर्वोच्च स्थानी आहे, तर श्रेया घोषाल संगीत विश्वात सर्वोच्च स्थानी आहे. दोघांना देखील कोणत्याच वेगळ्या ओळखीची गरज नाही.एक आपल्या मधुर आवाजाने चाहत्यांच्या मनावर राज्य करते, तर दुसरा बॅटने मैदानावर चौकार आणि षटकारांचा वर्षाव करतो. पण दोघांचं काय खास कनेक्शन आहे जाणून घ्या…

भारतीय संघाचा स्टार फलंदाज सूर्यकुमार यादव  जागतिक क्रिकेटमधील सर्वात दमदार फलंदाजांपैकी एक मानला जातो. तो मैदानावरच्या आपल्या आक्रमक फलंदाजीसाठी ओळखला जातो. पण क्रिकेटच्या जगाबाहेर, त्याचे बॉलिवूडची प्रसिद्ध गायिका श्रेया घोषालसोबत एक रंजक नाते आहे.

खरंतर, सूर्यकुमार आणि श्रेया घोषाल यांच्यात थेट संबंध नाही. पण, दोघांमधील संबंध श्रेयाच्या भावामुळे निर्माण होतो. श्रेया घोषालचा भाऊ सोम्यदीप घोषाल आणि सूर्यकुमार यादव बालपणी एकत्र क्रिकेट खेळायचे. दोघेही मुंबईतील अनुशक्ती नगर कॉलनीच्या मैदानात एकत्र खेळायचे.

एकदा, जेव्हा सूर्यकुमार यादवने आंतरराष्ट्रीय क्रिकेटमध्ये शानदार खेळी केली तेव्हा श्रेया घोषालने सोशल मीडियावर त्याचे अभिनंदन केले. तिने तिच्या संदेशात म्हटले आहे की सूर्यकुमार आणि तिचा भाऊ बालपणी एकत्र क्रिकेट खेळायचे आणि ते दिवस अजूनही संस्मरणीय आहेत.

श्रेया घोषाल ही भारतातील सर्वात लोकप्रिय गायिकांपैकी एक आहे. तिने अनेक भाषांमध्ये हजारो गाणी गायली आहेत आणि अनेक राष्ट्रीय आणि फिल्मफेअर पुरस्कार जिंकले आहेत. तिच्या गोड आवाजामुळे, श्रेया देशात आणि जगभरात खूप लोकप्रिय आहे.

दुसरीकडे, सूर्यकुमार यादवने गेल्या काही वर्षांत भारतीय संघात स्वतःची एक वेगळी ओळख निर्माण केली आहे. विशेषतः टी-20 क्रिकेटमध्ये, त्याच्या अनोख्या फलंदाजी शैलीने आणि जलद धावा करण्याच्या क्षमतेने त्याला जगातील अव्वल खेळाडूंमध्ये स्थान मिळवून दिले आहे.

अशाप्रकारे, क्रिकेट आणि संगीत अशा दोन वेगवेगळ्या जगातून असूनही, सूर्यकुमार यादव आणि श्रेया घोषाल यांच्यातील बालपणीचे नाते खूप खास आहे. चाहत्यांसाठी हे देखील आश्चर्यकारक आहे की त्यांचे नाते एकाच कॉलनीच्या मैदानापासून सुरू झाले.