‘बिग बॉस मराठी’च्या घरात होणार मिड वीक एव्हिक्शन; कोणाचा प्रवास संपणार?

Bigg Boss Marathi season 5 : छोट्या पडद्यावरील लोकप्रिय कार्यक्रम म्हणून बिग बॉस मराठीला ओळखले जाते. बिग बॉस मराठीचे यंदाचे 5 वे पर्व आहे. या पर्वाने टीआरपीचे सर्वच रेकॉर्ड मोडले आहेत. आता ‘बिग बॉस मराठी’चा खेळ आता अंतिम टप्प्यावर आला आहे. लवकरच हा खेळ प्रेक्षकांचा निरोप घेणार आहे. येत्या 6 ऑक्टोबर रोजी बिग बॉस मराठीचा अंतिम सोहळा रंगणार आहे. त्यातच आता बिग बॉसच्या घरात एक मोठा ट्वीस्ट आल्याचे पाहायला मिळणार आहे. बिग बॉस मराठीच्या घरात मिड वीक एव्हिक्शन होणार आहे.

बिग बॉस मराठीचे ५ वे पर्व सुरु झाल्यापासून वेगवेगळे धमाके घडत आहेत. ‘बिग बॉस मराठी’च्या प्रेक्षकांना इतिहासात पहिल्यांदाच अनेक गोष्टी या पर्वात घडताना पाहायला मिळाल्या. त्यातच आज ‘बिग बॉस मराठी’च्या घरात मिड वीक एव्हिक्शन होणार आहे. नुकतंच ‘बिग बॉस मराठी’चा एक नवा प्रोमो समोर आला आहे. या प्रोमोने सर्वांचेच लक्ष वेधून घेतले आहे.

या व्हिडीओत ‘बिग बॉस’ म्हणत आहेत की संपूर्ण सीझनमध्ये, सगळ्यात कठीण आणि त्रासदायक असतं हे मिड वीक एव्हिक्शन…आणि आज या मिड वीक एव्हिक्शनमध्ये घराबाहेर जाणाऱ्या सदस्याचे नाव आहे….” असे म्हणताना दिसत आहेत.

घरातील कोणाचा प्रवास आज संपणार?

या व्हिडीओमुळे आणि अचानक आलेल्या ट्वीस्टमुळे प्रेक्षकांनाही धक्का बसला आहे. सध्या सर्वांचेच लक्ष ‘बिग बॉस मराठी’च्या आजच्या भागाकडे लागले आहे. बिग बॉस मराठीच्या घरातील कोणाचा प्रवास आज संपणार याकडे प्रेक्षकांचं आता लक्ष लागलं आहे.

सध्या बिग बॉसच्या घरात वर्षा उसगांवकर, अभिजीत सावंत, जान्हवी किल्लेकर, अंकिता प्रभू – वालावलकर , धनंजय पोवार, निकी तांबोळी आणि सूरज चव्हाण हे सदस्य आहेत. यातील निकी तांबोळीला तिकीट टू फिनाले मिळाल्याने ती सेफ झाली आहे. त्यामुळे आता वर्षा उसगांवकर, अभिजीत सावंत, जान्हवी किल्लेकर, अंकिता प्रभू – वालावलकर , धनंजय पोवार आणि सूरज चव्हाण यांच्या पैकी एक जण घराबाहेर जाणार आहे. आता घराबाहेर जाणारा सदस्य नेमकं कोण हे आपल्याला आजच्या भागातच समजणार आहे.