‘हसताय ना? हसायलाच पाहिजे!’ कार्यक्रमाच्या शुटिंग दरम्यानची धमाल
Hastay na Hasaylach Pahije Between the Scenes : ‘हसताय ना? हसायलाच पाहिजे!’ कार्यक्रम सध्या चर्चेत आहे. या कार्यक्रमाचा प्रोमो सध्या चर्चेत आहे. यात कलाकार मजा- मस्ती करताना दिसत आहेत. ‘हसताय ना? हसायलाच पाहिजे!’ कार्यक्रमातील पडद्यामागची धमाल. वाचा सविस्तर...
‘हसताय ना? हसायलाच पाहिजे!’ हा कलर्स मराठीवरील कार्यक्रम प्रेक्षकांच्या पसंतीला उतरत आहे. प्रसिद्ध अभिनेता, लेखक आणि दिग्दर्शक डॉ. निलेश साबळे याचा हा कार्यक्रम संपूर्ण महाराष्ट्राला पोट धरून हसायला भाग पाडतोय. नुकताच या शोचा बीटीएस व्हीडीओ समोर आला आहे. रसिकांनी या व्हिडीओला खूप चांगला प्रतिसाद दिला असून कंमेंट्स आणि लाईक्सचा वर्षाव करत आहेत. हे विनोदवीर पडद्यावर तर प्रेक्षकांना खळखळून हसवत आहेतच मात्र पडद्यामागेही हे तितकीच धमाल करत असतात. याचबाबतचा व्हीडिओ आता समोर आला आहे.
‘हसताय ना? हसायलाच पाहिजे!’ची प्रेक्षकांना भुरळ
कार्यक्रमाचा नवा प्रोमो सोशल मीडियावर व्हायरल होताच या प्रोमोने प्रेक्षकांची उत्सुकता आणखीच ताणून धरली होती. शोचे प्रोमो, टिझर आणि शीर्षक गीत रिलिज झाल्यापासून सोशल मीडियावर याबद्दल चांगलीच चर्चा सुरू होती. आता हा शो सुरु झाला असून रसिकवर्ग भाऊ कदम, निलेश साबळे आणि ओंकार भोजने यांना एकत्र मंचावर पाहून आनंद लुटताना दिसत आहेत. एकंदरीत हा नवीन शो प्रेक्षकांच्या पसंतीस उरलेला दिसत आहे. रसिक या नवीन शोवर भरभरून प्रेम करत आहेत. तशा प्रतिक्रिया सोशल मीडियावर पाहायला मिळतात.
View this post on Instagram
कलाकारंची मजा- मस्ती अन् धमाल
नुकत्याच प्रदर्शित झालेल्या या व्हीडिओमध्ये एपिसोड शूट करतानाची मज्जा, मस्ती आणि धमाल यात दिसत आहे. व्हीडीओत निलेश साबळे , भाऊ कदम, भारत जाधव आणि शोचे प्रोड्युसर देवेन नेगी दिसतोय. भाऊ अन् देवेन यांच्यामधील संवाद ऐकून प्रेक्षकांनाही खूप हसू येईल. मज्जा मस्ती सोबत सेटवरची सर्व कलाकारांची मेहनतही तुम्ही या व्हीडीओत पाहू शकता.
View this post on Instagram
‘हसताय ना? हसायलाच पाहिजे!’ या शोचं लेखन, दिग्दर्शन डॉ. निलेश साबळे यांने केलं आहे. तर भाऊ कदम, ओंकार भोजने या विनोदवीरांसोबत अभिनेत्री सुपर्णा श्याम, स्नेहल शिदम आणि रोहित चव्हाण हे कलाकारही दिसत आहेत. हा शो शनिवार-रविवार रात्री नऊ वाजता कलर्स मराठीवर तुम्हाला पाहता येईल.
