‘रात्रीस खेळ चाले 3’च्या गणपती स्पेशल भागाचे हटके पद्धतीने चित्रीकरण, प्रेक्षकांना अनुभवायला मिळणार कोकणी संस्कृती!   

‘झी मराठी’ वाहिनीवरील ‘रात्रीस खेळ चाले’ (Ratris Khel Chale 3) आणि ‘गाव गाता गजाली’ या मालिकांमुळे प्रेक्षकांना कोकणच्या सौंदर्याने अधिक भुरळ घातली आणि हे कोकण ज्यांचा नजरेने टिपलं ते कॅमेरामन गणेश कोकरे. सातत्याने वेगवेगळे प्रयोग करत मालिकांच्या सेटवर हसत खेळत अनेक दृश्य टिपणाऱ्या गणेश कोकरे यांनी कोकणातल्या गणेशोत्सवाच चित्रीकरण करताना असाच एक आगळा वेगळा प्रयोग केला.

‘रात्रीस खेळ चाले 3’च्या गणपती स्पेशल भागाचे हटके पद्धतीने चित्रीकरण, प्रेक्षकांना अनुभवायला मिळणार कोकणी संस्कृती!   
ratris khel chale 3

मुंबई : ‘झी मराठी’ वाहिनीवरील ‘रात्रीस खेळ चाले’ (Ratris Khel Chale 3) आणि ‘गाव गाता गजाली’ या मालिकांमुळे प्रेक्षकांना कोकणच्या सौंदर्याने अधिक भुरळ घातली आणि हे कोकण ज्यांचा नजरेने टिपलं ते कॅमेरामन गणेश कोकरे. सातत्याने वेगवेगळे प्रयोग करत मालिकांच्या सेटवर हसत खेळत अनेक दृश्य टिपणाऱ्या गणेश कोकरे यांनी कोकणातल्या गणेशोत्सवाच चित्रीकरण करताना असाच एक आगळा वेगळा प्रयोग केला. कोकणातली परंपरा असणाऱ्या फुगड्या चित्रित करताना छाया चित्रकार गणेश कोकरे यांनीनी एका हातात कॅमेरा आणि तर दुसऱ्या हाताने कलाकारांसोबत फुगडी घालून चित्रीकरण केलं.

या नव्या प्रयोगामुळे उत्तम चित्रीकरण झालच शिवाय एक वेगळा अनुभव, वेगळा आनंद सगळ्यानाच मिळाला आणि हा आनंद तुम्हाला अनुभवता येणार आहे ‘रात्रीस खेळ चाले 3’च्या गणपती विशेष भागात. इतकंचं नव्हे कोकणातील गणेशोत्सव हा आपल्यामध्येच एक वेगळा अनुभव असतो, त्यामुळे कोकणात जसा पारंपरिक पद्धतीने हा सण साजरा होतो, त्याचा अनुभव प्रेक्षक या मालिकेतून अनुभवू शकतात. या विशेष भागांमध्ये प्रेक्षक भजन देखील पाहू शकतील. येत्या आठवड्यात हे विशेष भाग प्रदर्शित होणार आहेत.

मालिकेचं जोरदार पुनरागमन!

बदललेली वेळ आणि नव्या व्यक्तिरेखांचा भरणा या काही करणांमुळे ‘रात्रीस खेळ चाले 3’ प्रेक्षकांची फारशी पकड घेऊ शकली नव्हती. मात्र, आता कलाकारांसह लेखक, निर्माते आणि दिग्दर्शक यांनीही जोरदार पुनरागमन केले आहे.

‘अण्णा नाईक’, ‘माई’, ‘शेवंता’, ‘पांडू’ या आपल्या आवडत्या पात्रांची प्रेक्षक वाट बघत आहेत. गेल्याच आठवड्यात पांडूची भूमिका साकारणारा अभिनेता आणि मालिकेचा लेखक प्रल्हाद कुडतरकर याने ‘रात्रीस खेळ चाले 3’ लवकरच सुरु होणार असल्याचं सांगितलं होतं. कोकणात प्रचंड पाऊस सुरु झाल्यामुळे पावसाचा व्यत्यय आला होता, मात्र अण्णा नाईकांची भूमिका साकारणारे दिग्गज कलाकार माधव अभ्यंकर यांनी फेसबुकवर फोटो शेअर करत शूटिंग पुन्हा सुरु झाल्याचं सांगितलं होतं.

पुन्हा रंगणार पाप…शाप… आणि उ:शापाचा खेळ!

एका नाईक आडनावाच्या घराण्याची “रात्रीस खेळ चाले” ही कथा. अण्णा नाईकांच्या पापामुळे त्यांना आणि त्यांच्या पुढच्या पिढीला अत्रुप्त आत्म्यांनी दिलेले शाप भोगावे लागले. अण्णा नाईकांच्या पुढच्या पिढीची वाताहात लागली. अतृप्त आत्म्यानी नाईक वाड्याचा ताबा घेतला. एक नांदतं घर बघता बघता रसातळाला गेलं. पण या आलेल्या वादळात अण्णा नाईकांची बायको, इंदू उर्फ माई नाईक घराण्याच्या मूळ पुरुषावर आणि कुलदैवतेवर भार टाकून सगळ्या स़कटांशी शेवटपर्यंत लढते. आपल्या उध्वस्त झालेल्या घराण्याला शाप मुक्त होण्यासाठी उ:शाप मिळवते. एक अशिक्षित स्त्रीसुद्धा आपला स्वाभिमान जपून, संपूर्ण घराला पुन्हा उभं करण्याची दुर्दम्य इच्छाशक्ती बाळगते आणि त्यात जिंकून दाखवते. त्याची ही एक रंजक कथा असणार आहे. नाईक घराण्याचं पाप…शाप… आणि उ:शाप यामधून झालेलं संक्रमण म्हणजेच ‘रात्रीस खेळ चाले 3’ असणार आहे.

हेही वाचा :

Video | नाकात नथ, गळ्यात ठुशी, नऊवारी साडी! मराठमोळा साज लेऊन राजेश्वरी खरातची गणपती बाप्पाला नृत्यवंदना! पाहा व्हिडीओ

Sidnaaz : शेवटच्या म्युझिक व्हिडीओ दरम्यान सिद्धार्थ आणि शहनाजची धमाल, अनसिन फोटो आता सोशल मीडियावर व्हायरल

Read Full Article

Click on your DTH Provider to Add TV9 MARATHI