थलापती विजयची अजब प्रेमकहाणी, प्रेमात पडला, लग्न केलं, पण दुसरी येताच…आता आयुष्यात नेमकं कोण?

Thalapathy Vijay Love Story : थलापती विजय हा तमिळ सिनेसृष्टीतील सर्वात मोठ्या अभिनेत्यांपैकी एक आहे. त्याने आतापर्यंत अनेक हिट चित्रपट दिलेले आहेत. आता मात्र विजयच्या टीव्हीके या राजकीय पक्षाने तामिळनाडूची निवडणूक जिंकलेली आहे. विशेष म्हणजे तोदेखील या निवडणुकीत रिंगणात होता. आता विजय तामिळनाडूच्या मुक्यमंत्रिपदी विराजमान होणे, जवळपास निश्चित मानले जात आहे. दरम्यान, आता थलापती विजयच्या या राजकीय विजयानंतर त्याच्या वैयक्तिक आयुष्याची चर्चा होत आहे. कारण निवडणूक सुरू असतानाच त्याच्या पत्नीने घटस्फोटासाठी अर्ज केला होता.

1999 साली केले लग्न

थलापती विजयच्या पत्नीचे नाव संगीता सोर्लिंगम असे आहे. ती एक श्रीलकेतील तमिळ कुटुंबातील आहे. या दोघांचा प्रेमाविवाह आहे. 25 ऑगस्ट 1999 रोजी त्यांनी लग्न केले. विशेष म्हणजे या दोघांना संजय नावाचा मुलगा आणि दिव्या नावाची मुलगी आहे. विजय धर्मान ख्रिश्चन तर संगीता ही हिंदू आहे. त्यामुळे त्यांनी दोन्ही धार्मिक पद्धतीने विवाह केला होता. परंतु आता या दोघांमध्ये दुरावा निर्माण झाल्याचे बोलले जात होते.

कीर्ति सुरेशमुळे विजय-संगीता यांच्यात वितुष्ट

दोघांच्याही नात्यात दुरावा निर्माण झाल्याचे सांगितले जात असताना आता संगीताने घटस्फोटासाठी अर्ज केल्याचे समोर आले आहे. दुसरीकडे विजय आणि संगीता यांच्यात आलबेल नसल्याची चर्चा सुरू असतानाच विजय आणि अभिनेत्री कीर्ति सुरेश यांच्यातील जवळकीचीही सर्वत्र चर्चा होऊ लागले. विजय आणि कीर्ति यांनी सोबत सरकार, भैरवा यासारखे चित्रपट केले आहेत. संगीता आणि विजय यांच्यातील वितुष्टाचे मुख्य कारण कीर्ति सुरेश असल्याचे बोलले जाते. या नात्याबद्दल कीर्ति सुरेश किंवा विजय यांनी कधीही उघड भाष्य केलेले नाही.

तृषा कृष्णन हिच्योसबत मैत्री

परंतु विजय आणि तृषा कृष्णन यांच्यात मात्र खूप जवळीक असल्याचे बोलले जाते. आज तामिळनाडूच्या निवडणुकीचा निकाल जाहीर झाला आहे. या निवडणुकीत विजयाच्या पक्षाने विजयी मुसंडी मारली आहे. आजच तृषा कृष्णन हिचा वाढदिवसही आहे. या विजयी उत्सवात तृषा कृष्णन ही विजयाच्या घरी गेल्याचे पाहायला मिळाले. तिने विजयला शुभेच्छा दिल्या आहेत.