Youtuber अरमान मलिकच्या दोन्ही पत्नी एकत्र प्रेग्नंट; नेटकऱ्यांना आली जुळ्या बहिणींशी लग्न करणाऱ्याची आठवण
"लाज नाही वाटत का तुम्हाला?", युट्यूबरच्या दोन्ही पत्नी एकत्र गरोदर असल्याचं पाहून भडकले नेटकरी
हैदराबाद: हैदराबादचा प्रसिद्ध युट्यूबर अरमान मलिकला सोशल मीडियावर ट्रोल केलं जातंय. अरमानच्या दोन पत्नी आहेत आणि दोघीही एकत्रच गरोदर आहेत. 15 लाख फॉलोअर्स असलेल्या या युट्यूबर आणि कंटेट क्रिएटरने त्याच्या दोन्ही पत्नींसोबतचा फोटो सोशल मीडियावर शेअर केला. मात्र या पोस्टवरून अनेकांनी त्याच्यावर टीका केली आहे. पायल आणि कृतिका अशी त्याच्या पत्नींची नावं आहेत.
काही नेटकऱ्यांनी युट्यूबर अरमान मलिकची खिल्ली उडवली. तर काहींनी तो दुसऱ्या पत्नीवर पहिल्या पत्नीपेक्षा अधिक प्रेम करत असल्याचा दावा केला. ‘हे तिघं एकत्र कसे राहू शकतात? काहीतरी लाज बाळगा’, असं एका युजरने लिहिलं. तर ‘पहिल्या पत्नीवर प्रेम केलं असतं तर दुसरी पत्नी का आणली असती’, असा सवाल दुसऱ्याने केला.
अरमानने पोस्ट केलेल्या या फोटोंमध्ये कृतिका आणि पायल या बेबी बंप फ्लाँट करताना दिसत आहेत. ‘भारताच्या लोकसंख्या वाढीत हातभार लावल्याबद्दल तुमचं नाव स्वर्णाक्षरात लिहिलं जाईल’, अशीही उपरोधिक टीका नेटकऱ्यांनी केली.
View this post on Instagram
एका युजरने जुळ्या बहिणींना लग्न केल्याच्या घटनेचाही उल्लेख केला. ‘मी अशा भारतातून आहे, जिथे दोनदा लग्न केल्यानंतर अरमान त्याचं आयुष्य आनंदाने जगतोय. तर दुसरीकडे जुळ्या बहिणींशी लग्न केल्यामुळे अतुलवर गुन्हा दाखल करण्यात आला’, असं त्याने लिहिलंय.
I come from India where Armaan Malik is enjoying his life after getting married twice and Atul, on the other hand, is booked by the police after getting married twice. Secularism in a nutshell. pic.twitter.com/SKI30rkoqb
— Dal Baati Churma Rajasthani Surma (@Dal_Bati_Curma) December 10, 2022
कोण आहे अरमान मलिक?
अरमान हा हैदराबादमधील प्रसिद्ध युट्यूबर आहे. सोशल मीडियावर त्याचे पंधरा लाखांहून अधिक फॉलोअर्स आहेत. विविध फोटो आणि व्हिडीओ पोस्ट करत तो नेटकऱ्यांचं मनोरंजन करतो. 2011 मध्ये त्याने पायलशी लग्न केलं. या दोघांना चिरायू हा मुलगा आहे.
त्यानंतर 2018 मध्ये त्याने कृतिकाशी लग्न केलं. कृतिका ही पायलची खास मैत्रीण असल्याचंही म्हटलं जातं. दुसरं लग्न झाल्यानंतरही हे चौघं एकाच घरात एकत्र राहत आहेत. पायल आणि कृतिका यांचे अनेकदा एकत्र फोटो पहायला मिळतात.
