सकाळी सकाळी ही लक्षणे दिसली तर समजून जा ब्लड शुगर लेव्हल झालीय डाऊन

डायबिटीजच्या रुग्णांमध्ये केवळ शुगर लेव्हल वाढण्याचीच नव्हे तर शुगर लेव्हल कमी होण्याचीही समस्याही उद्भवू शकते. या परिस्थितीला हायपोग्लाइसीमिया म्हणतात. ही परिस्थिती अत्यंत गंभीर असते. काही प्रकरणात ती जीवेघेणीही ठरू शकते. साधारणपणे शरीरात फास्टिंग शुगर लेव्हल 60 mg /dL ते 100mg/dL पर्यंत नॉर्मल असते. जेवणाच्या दोन तासानंतर ब्लड शुगर लेव्हल 120mg/dL ते 140mg/dLच्या दरम्यान नॉर्मल असते.

पण तिच शुगल लेव्हल 70mg/dLच्या आसपास वा खाली जाऊ लागते, तेव्हा त्याला ब्लड शुगर लेव्हलच्या वर्गवारीत गणलं जातं. हायपोग्लायसीमियाची लक्षणे ओळखून व्यक्तीला लगेच काही तरी गोड खायला दिलं पाहिजे. लगेच डॉक्टरांशी संपर्क साधला पाहिजे. म्हणजे आणखी परिस्थिती गंभीर होणार नाही. अनेकदा तर ही समस्या सकाळी उठल्यावरही पाहायला मिळते. त्याकडे कधीच कानाडोळा करता कामा नये. ब्लड शुगरची लेव्हल कोणत्या कारणाने कमी होते, त्याची काही कारणे आणि लक्षणे खालील प्रमाणे.

1) लो ब्लड शुगर लेव्हलची कारणं

आहारात कमतरता होणं, म्हणजे गरजेपेक्षा जास्त खाणं

शारीरिक हालचालीत अचानक वाढ होणं

औषधांची मात्रा वाढणं

एखाद्या आजारपणामुळे शुगर कमी होणं

2) सकाळी दिसणारी लक्षणे

ब्लड शुगर लेव्हल कमी होण्याची लक्षणे फक्त सकाळीच नव्हे तर कोणत्याही वेळी दिसू शकतात. त्यामुळे त्याबाबतची माहिती असणं अत्यंत महत्त्वाचं आहे.

सकाळी उठताच भयानक डोकं दुखणं

दरदरून घाम फुटणं

सकाळी उठल्यावर तोंड कोरडं पडणं

गरगरणं, चक्कर येणं

डोळ्यासमोर अंधारी येणं, दिवसभर डोळ्यावर अंधारी येणं

सकाळी उठताच घाम फुटणं

सकाळी किंवा दिवसभरात कधीही अंगाला खाज सुटणं

रात्री झोपल्यावरही सकाळी थकवा जाणवणं

कोणतंही काम केल्यावर अशक्तपणा जाणवणं

प्रचंड भूक लागणं, तहान लागणं, ही समस्या रात्रीही होऊ शकते

गुप्तांगात अचानक खाज सुटणं

शरीरावर झालेल्या जखमा लवकर भरून न निघणं

अचानक वजन कमी होणं

डायबिटीज हा एक सायलंट किलर आजार आहे. संपूर्ण शरीराला पोखरण्याचं काम हा आजार करतो. त्यामुळे त्याची लक्षणे आणि कारणे वेळीच लक्षात घेतली पाहिजे. त्यावर उपचार करण्याची गरज आहे.