World Heart Day 2021 : हृदय निरोगी ठेवण्यासाठी ‘या’ आयुर्वेदिक टिप्स फाॅलो करा!

हृदय हे शरीराच्या सर्वात महत्वाच्या अवयवांपैकी एक आहे. बदलत्या काळानुसार निरोगी हृदय राखणे अधिक महत्त्वाचे बनले आहे. हृदयविकाराच्या झटक्यांनी गेल्या दोन दशकांत गंभीर स्वरूप धारण केले आहे. हृदयरोग जगभरात मृत्यूचे प्रमुख कारण बनत आहे.

World Heart Day 2021 : हृदय निरोगी ठेवण्यासाठी 'या' आयुर्वेदिक टिप्स फाॅलो करा!
आरोग्य
टीव्ही 9 मराठी डिजीटल टीम

| Edited By: शितल मुंडे, टीव्ही 9 मराठी डिजीटल

Sep 29, 2021 | 5:09 PM

मुंबई : हृदय हे शरीराच्या सर्वात महत्वाच्या अवयवांपैकी एक आहे. बदलत्या काळानुसार निरोगी हृदय राखणे अधिक महत्त्वाचे बनले आहे. हृदयविकाराच्या झटक्यांनी गेल्या दोन दशकांत गंभीर स्वरूप धारण केले आहे. हृदयरोग जगभरात मृत्यूचे प्रमुख कारण बनत आहे. रक्त प्रवाहात अडथळा आल्यावर हृदयविकार होण्याचे प्रमुख कारण आहे. (Follow these Ayurvedic tips to keep the heart healthy)

उच्च रक्तदाब, कोलेस्टेरॉल, लठ्ठपणा, मधुमेह, खाण्याच्या सवयी आणि धूम्रपान/अल्कोहोल इत्यादी खराब सवयीमुळे हृदयविकाराचा झटका येऊ शकतो. हृदयाच्या आरोग्याबाबत जागरूक राहण्यासाठी दरवर्षी 29 सप्टेंबर रोजी जागतिक हृदय दिन साजरा केला जातो. हृदय निरोगी ठेवण्यासाठी आपण कोणत्या आयुर्वेदिक टिप्स घेऊ शकता ते जाणून घेऊया.

हृदय निरोगी ठेवण्यासाठी 6 आयुर्वेदिक टिप्स

निरोगी आहार

आयुर्वेदात आहाराला विशेष महत्त्व आहे. कारण अन्न हे नेहमी औषध मानले गेले आहे. निरोगी हृदयासाठी निरोगी आहार निवडणे आवश्यक आहे. अशा परिस्थितीत आहारात प्रथिने आणि भाज्यांचा समावेश करा जसे की भोपळा, पालेभाज्या, हरभरा (मूग), मसूर, टोफू, इ. आपल्या आहारात बदाम, अक्रोड सारख्या सुक्यामेव्याचा समावेश करा. काळ्या मिरी आणि हळद सारख्या काही मसाल्यांचा देखील अन्नात समावेश करा.

मेडिटेशन

अनेक संशोधनानुसार, नियमित मेडिटेशन केल्याने काही प्रमाणात हृदयरोगाचा धोका कमी होतो. ध्यान केल्याने आपले मन शांत राहते. हे आपल्याला तणाव दूर करण्यास मदत करते. यामुळे मनाला विश्रांती मिळते. तसेच आपल्या हृदयावरील ताण कमी होतो. मेडिटेशन तुमच्या हृदयाची कार्यप्रणाली सुधारते.

व्यायाम आणि योगा

नियमितपणे 30 मिनिटे चालणे केवळ आपल्या हृदयासाठीच नाही तर रक्ताभिसरण सुधारण्यास, विष बाहेर टाकण्यास आणि चयापचय सुधारण्यास मदत करते. तसेच योगासन हे श्वासोच्छवासाचे तंत्र आणि ध्यान यांचे उत्तम संयोजन आहे. जे आरोग्याच्या समस्यांवर मात करण्यास मदत करते. योगा हृदयाला निरोगी ठेवतो, रक्तदाब नियंत्रित करणे, हृदयाचे ठोके सुधारणे, खराब कोलेस्टेरॉलची पातळी नियंत्रित करणे आणि रक्त परिसंचरण वाढवणे.

ताण नियंत्रित करते

तणाव निरोगी हृदयाच्या कार्यामध्ये मोठी भूमिका बजावते. यामुळे तुमच्या कोलेस्टेरॉलची पातळी झपाट्याने वाढू शकते. हे रक्तदाब देखील वाढवू शकते, ज्यामुळे हृदय आणि रक्तवाहिन्यांचे आजार होऊ शकतात. त्यामुळे ताण नियंत्रित करणे महत्वाचे आहे. आपल्या दैनंदिन जीवनातील सामान्य दिनक्रमातून ब्रेक घ्या. तणाव कमी करण्याच्या सोप्या आणि प्रभावी मार्गांनी ध्यान, विश्रांती, व्यायाम करा.

पुरेशी झोप

झोप आवश्यक आहे. कारण ते शरीराला रिचार्ज करण्यासाठी वेळ देते. झोपेचा अभाव हृदयरोग, हृदयविकाराचा झटका, मधुमेह आणि स्ट्रोकचा धोका वाढवू शकतो. अशा परिस्थितीत, निरोगी जीवनशैलीचे पालन करण्याचा एक मार्ग म्हणजे चांगली झोप घेणे.

औषधी वनस्पती

आपल्या आहारात औषधी वनस्पतींचा समावेश केल्यास हृदयाच्या आरोग्याला फायदा होऊ शकतो. दालचिनी, लसूण, लाल मिरची, आले, हळद यासारख्या औषधी वनस्पती आणि मसाल्यांचा उपयोग अनेक औषधी गुणधर्मांसाठी हजारो वर्षांपासून केला जात आहे.

संबंधित बातम्या : 

Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!

Milk | गाय की म्हैस, आपल्या आरोग्यासाठी कोणते दूध अधिक फायदेशीर? जाणून घ्या..

(Follow these Ayurvedic tips to keep the heart healthy)

Non Stop LIVE Update

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें