Health : टक्कल पडून गेलाय, घरच्या घरी कांद्याचा अशा पद्धतीने करा वापर, उगवतील नवीन केस!

मुंबई : आजकाल बहुतेक लोकांना केसगळतीची समस्या असते. वाढतं प्रदुषण, ताण-तणाव, बदलती जीवनशैली, केमिकल्स प्रोडक्टसचा अतिवापर अशा अनेक गोष्टींमुळे लोकांना केसाशी संबधित समस्यांचा सामना करावा लागतो. त्यात काही लोकांचे केस गळून त्यांना टक्कल पडू लागते. तर कांद्याचा रस हा केस निरोगी ठेवण्यासाठी उपयुक्त ठरतो. कारण कांद्याच्या रसामध्ये जीवनसत्व, सूक्ष्मजीवविरोधी गुणधर्म असतात जे आपल्या केसांना मजबूत बनवतात.

कांद्याचा रस केसगळती कमी करण्यास मदत करतो. पण हा कांद्याचा रस बनवायचा कसा याबाबत बहुतेक लोकांना माहिती नसेल. तर आता रस बनवायचा कसा याबाबत आपण जाणून घेणार आहोत. यासाठी एक कांदा घ्या आणि त्याची साल काढून टाका. त्यानंतर कांद्याचे काप करून ते मिक्सरमध्ये बारीक करून त्याची पेस्ट बनवा. त्यानंतर ही पेस्ट एका स्वच्छ कपड्यात घाला आणि ती चांगली पिळून घ्या. अशाप्रकारे तुमचा कांद्याचा रस तयार होईल.

तर हा तयार झालेला कांद्याचा रस कापसाच्या सहाय्याने तुमच्या केसांच्या टाळूवर लावा. त्यानंतर टाळूवर हलक्या हाताने मसाज करा. मग तो रस तसाच 15 मिनिटे ठेवा आणि नंतर तुमचे केस शॅम्पूने स्वच्छ धुवा. अशाप्रकारे तुम्ही आठवड्यातून तीन ते चार वेळा कांद्याचा रस लावा. यामुळे तुमचे केस गळणे थांबते आणि केस मजबूत होण्यास मदत होते.

कांद्याच्या रसात अँटी-बॅक्टिरियल गुणधर्म असतात जे टाळूच्या सर्व संसर्गापासून आपली सुटका करते. तसंच त्यातील अँटीबॅक्टेरियल गुणधर्म केसातील कोंडा कमी करण्यास मदत करतात. त्यामुळे केसाना कांद्याचा रस लावणं फायदेशीर ठरतं. जर तुम्ही कांद्याच्या रसाने टाळूची मालिश केली तर तुमचे केस लवकर वाढतात. कांद्याचा रस आपल्या केसांच्या कूपांना पुनरुज्जीवित करण्यास मदत करतो.

जर तुम्ही कांद्याच्या रसात 2 चमचे खोबरेल तेल मिक्स केले तर ते केसांसाठी आणखी फायदेशीर ठरते. कारण खोबरेल तेलात अँटी-फंगल गुणधर्म आढळतात जे टाळूच्या संसर्गापासून आणि कोंड्यापासून संरक्षण करतात. तसंच आपले केस निरोगी राहतात. त्यामुळे कांद्याचा रस आणि खोबरेल तेलाचे मिश्रण तुमच्या टाळूवर लावा आणि अर्ध्या तासानंतर ते धुवा. यामुळे तुमचे केस निरोगी आणि चमकदार होतील.