Trending: वैज्ञानिकांनी बनवला श्वासोच्छ्वासाने नियंत्रित होणारा कृत्रिम हात
ऑक्सफर्ड युनिव्हर्सिटीतील वैज्ञानिकांनी लहान मुलांसाठी एक कृत्रिम हात विकसित केला आहे. त्याचे वैशिष्ट्य हे की घालणाऱ्या व्यक्तीच्या श्वासोच्छ्वासानुसार या कृत्रिम हाताची (Prosthetic Hand) हालचाल होते व तो नियंत्रित होतो.
वैज्ञानिक वेळोवेळी नवनवीन शोध (Science Experiment) लावत असतात. मानवजातीच्या प्रगतीसाठी काही शोध लाभदायक ठरतात. आणि नव्या गोष्टींचा विकासही होत असतो. असाच एक शोध इंग्लंडमधील ऑक्सफर्ड युनिव्हर्सिटीतील (Oxford University) वैज्ञानिकांनी लावला आहे. त्यांनी लहान मुलांसाठी कृत्रिम हात (Prosthetic Hand) विकसित केला आहे. त्याचे वैशिष्ट्य हे की या हाताची हालचाल , तो घालणाऱ्या व्यक्तीच्या श्वासोच्छ्वासानुसार होते व त्यामुळेच हात नियंत्रितही करता येतो. एका रिपोर्टनुसार, हा कृत्रिम हात वजनाने अतिशय हलका (Very light weight)आहे. त्यामुळे त्याची हालचालही सहजरित्या होऊ शकते. तसेच त्याची देखभालही सहज करत येऊ शकते. विशेष गोष्ट म्हणजे या उपकरणाची ( कृत्रिम हात) किंमतही फार महाग नाही.
कोणाला मिळेल याचा लाभ ?
खूप लहान या कृत्रिम हाताचा (Prosthetic Hand) लाभ किंव उपयोग विशेषत्वाने त्या मुलांना होईल, जे खूप लहान आहेत अथवा ज्यांचे विद्यमान शरीर कृत्रिम हातांसाठी अनुपयुक्त ठरते. ज्यासाठी हार्नेस आणि केबलची आवश्यकता लागते. अशा मुलांसाठी श्वासोच्छ्वासावर नियंत्रित होणारा हात हा नक्कीच एक वरदान ठरू शकेल.
कसे होणार कृत्रिम हाताचे नियंत्रण ?
संशोधकांनी 29 जुलै रोजी प्रोस्थेसिस नावाच्या जर्नलमध्ये काही निष्कर्ष प्रकाशित केले होते. त्यानुसार, हा कृत्रिम हात केवळ श्वासोच्छ्वासावर नियंत्रित होतो. म्हणजेच जी व्यक्ती किंवा लहान मूल हा कृत्रिम हात परिधान करेल, त्याच्या श्वासानुसार या हाताची हालचाल होईल व तीच व्यक्ती त्याचे नियंत्रण करू शकेल. याचा ( कृत्रिम हाताचा) वापर करण्यासाठी लहान मुलाला श्वास घ्यावा लागेल आणि एक ब्लेड रहीत टर्बाईनला उर्जा मिळून तो कृत्रिम बोटांना नियंत्रित करेल. त्या उर्जेसाठी आवश्यक असलेली हवा, लहान मुल श्वासोच्छ्वासाच्या माध्यमातून सहज उत्पन्न करू शकतात. आणि या उपकरणाची रचना अशी करण्यात आली आहे, त्यावरून ते एखादी गोष्ट किती झटकन पकडेल, हे समजू शकेल.
सध्याच्या कृत्रिम हातांपेक्षा हे अधिक चांगले
सध्या उपलब्ध असलेल्या कृत्रिम हातांच्या तुलनेत ऑक्सफर्ड युनिव्हर्सिटीतील संशोधकांनी डिझाईन केलेला हा कृत्रिम हात वापरणे आणि त्याची देखभाल करणे अधिक सोपे आहे. आत्तापर्यंत वापरण्यात येणारे कृत्रिम हात बऱ्याच तारांवर अवलंबून असतात, ज्याची निगा राखण्यासाठी बराच खर्च येऊ शकतो. कारण त्याची स्थापना करणे व देखभाल करणे यासाठी तज्ज्ञांची आवश्यकता असते. संशोधकांच्या सांगण्यानुसार, ज्यांच्याकडे केबल तंत्रज्ञानासह असलेले कृत्रिम हात उपलब्ध नसतील. (Old Technique Expensive Prosthetic Hand) अशा वंचित देशातील तरूणांनाही श्वासावर नियंत्रित होणाऱ्या कृत्रिम हाताचा खूप लाभ होईल.
