10 दिवस लवंगाचे पाणी प्यायल्यास शरीराला मिळतील ‘हे’ आश्चर्यकारक फायदे, जाणून घ्या तज्ञांकडून
जेवणाला चविष्ट आणि सुगंधी बनवण्यासाठी लवंगाचा वापर केला जातो. पण तुम्हाला माहिती आहे का की 10 दिवस लवंगाचे पाणी प्यायल्याने आपल्या शरीराला कोणते फायदे होतात? चला तर मग आजच्या लेखात तज्ञांकडून जाणून घेऊयात.
स्वयंपाकघरात जेवण बनवताना वापरण्यात येणारा एक छोटासा मसाला म्हणजे लवंग. तर लवंग केवळ अन्नाची चव आणि सुगंध वाढवत नाही तर आरोग्यासाठी देखील खूप फायदेशीर मानला जातो. आयुर्वेदात लवंगाचे पाणी एक सोपा आणि प्रभावी घरगुती उपाय मानला जातो. लवंगामध्ये असे गुणधर्म आहेत जे अनेक शारीरिक समस्यांपासून मुक्त होण्यास मदत करू शकतात. आजकालच्या या बदलत्या जीवनशैली आणि अस्वस्थ खाण्याच्या सवयींमुळे, पोटाच्या समस्या, त्वचेच्या समस्या आणि थकवा सामान्य झाला आहे. अशावेळेस औषधां व्यतिरिक्त फक्त लवंगाचे पाणी प्यायल्याने या सर्व समस्यांवर मात करता येते.
तज्ञांच्या मते, जर एखादी व्यक्ती नियमितपणे 10 दिवस लवंगाचे पाणी पितं असेल तर त्याचे शरीरावर चांगले परिणाम स्पष्टपणे दिसून येतात. जर तुम्हालाही तुमचे आरोग्य सुधारायचे असेल तर आजच्या लेखात आपण तज्ञांकडून जाणून घेऊया की 10 दिवस लवंगाचे पाणी प्यायल्याने शरीरावर काय परिणाम होतात.
फुफ्फुसे स्वच्छ करते
आहारतज्ज्ञ नमामी अग्रवाली सांगतात की की लवंग फुफ्फुसांना स्वच्छ करण्यासाठी खूप उपयुक्त आहे. त्यात युजेनॉल हे संयुग असते, जे फुफ्फुसातील श्लेष्मा सोडण्यास मदत करते. यामुळे श्वास घेण्यास आणि फुफ्फुसांना स्वच्छ करण्यास मदत होते. शिवाय आपल्या शरीरातील जळजळ कमी करण्यास देखील उपयुक्त आहे.
पोट साफ करणे आणि सूज कमी करणे
लवंगाचे पाणी पोटात गॅस आणि पोट फुगणे या समस्यापासून आराम देते. तसेच पचनसंस्था सक्रिय करते, ज्यामुळे पोट पूर्णपणे स्वच्छ होते आणि जडपणाची जाणवत नाही. शिवाय, लवंगाचे पाणी पाचक एंजाइमचे उत्पादन वाढविण्यास मदत करते. हे पाणी अन्न लवकर आणि योग्यरित्या पचवण्यास मदत करते, ज्यामुळे आम्लता आणि अपचन टाळता येते.
त्वचा चमकदार होईल
लवंगामध्ये भरपूर प्रमाणात अँटीऑक्सिडंट्स असतात, ते शरीरातील विषारी पदार्थ काढून टाकण्यास मदत करतात, ज्याचा परिणाम थेट त्वचेवर दिसून येतो आणि चेहरा नैसर्गिकरित्या चमकतो.
दातांच्या आरोग्यासाठी फायदेशीर
लवंगाचे पाणी तोंडातील बॅक्टेरिया कमी करण्यास मदत करते. ते दातदुखी, तोंडाची दुर्गंधी आणि हिरड्यांच्या समस्यांपासून आराम देऊ शकते. 10 दिवस नियमितपणे लवंगाचे पाणी प्यायल्याने परिणाम दिसून येतील.
झोपेची गुणवत्ता चांगली होते
लवंगाचे पाणी नैसर्गिकरित्या मेलाटोनिनच्या पातळीला आधार देते, जे चांगल्या झोपेसाठी आवश्यक असलेले संप्रेरक आहे. 10 दिवस ते सेवन केल्याने चांगली झोप येऊ शकते.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
