डोनाल्ड ट्रम्प यांचे मोठे आदेश, जगात खळबळ, थेट इराण युद्धात अमेरिकेचे 2 सैनिक ठार तर..

अमेरिका आणि इराण यांच्यातील सुरू असलेला लष्करी संघर्ष आता वेगळ्या पातळीवर गेला. थेट मोठे हल्ले केले जात आहेत. इराण आणि अमेरिका यांच्यातील युद्ध कमी व्हायचे तर ते अधिक वाढताना दिसत आहे. अमेरिकेच्या लष्कराच्या सेंट्रल कमांडने जाहीर केले की, डोनाल्ड ट्रम्प यांनी इराणविरोधात मोठे हवाई हल्ले करण्याच्या सूचना दिल्या आहेत. गेल्या काही दिवसांपासून सतत इराणवर हल्ले केले जात आहेत. होर्मुज खाडीच्या आसपास जोरदार हल्ले सुरू आहेत. यासोबतच रेल्वे पूल, रेल्वे स्टेशन आणि रस्ते यांना टार्गेट करून अमेरिकेकडून हल्ले केली जात आहेत. अमेरिकेने म्हटले की, कमांडर इन चीफ यांनी दिलेल्या सूचनांनुसार, इराणविरोधात नवीन हवाई हल्ले सुरू केली जातील. याचा मुख्य उद्देश हा आहे की, होर्मुज खाडी सुरक्षित करणे.

इराणची ताकद कोणत्याही परिस्थितीमध्ये कमी करायची आहे. यादरम्यानच जॉर्डनमधील अमेरिकी लष्कर तळावर इराणकडून मोठा हल्ला करण्यात आला. या हल्ल्यानंतर इस्लामिक रिवोल्यूशनरी गार्ड कॉर्प्स यांनी थेट म्हटले की, यापेक्षा जास्त शिक्षा दिली जाणार आहे. इराणने केलेल्या जॉर्डनमधील हल्ल्यात दोन अमेरिकेचे सैनिक ठार झाले. ज्यानंतर अमेरिका अधिक भडकल्याचे बघायला मिळतंय.

एक सैनिक अमेरिकेचा बेपत्ता असून त्याचा शोध घेतला जात आहे. यासोबतच चार सैनिक गंभीर जखमी झाल्याचीही माहिती आहे. इराणच्या या हल्ल्यामुळे अमेरिका भडकली आहे. इराणी हल्ल्यात ठार झालेल्या सैनिकांची नावे अमेरिकेच्या लष्कराकडून जाहीर करण्यात आली नाहीत. अगोदर त्यांच्या कुटुंबियांना याबाबत माहिती दिली जाईल, असे सांगितले जातंय.

डोनाल्ड ट्रम्प यांनी सैनिकांच्या मृत्यूनंतर त्यावर भाष्य केले. डोनाल्ड ट्रम्प यांनी म्हटले की, ही खूप जास्त दुखद घटना आहे. आमच्या देशाची सेवा करताना ते शहीद झाले आहेत. आता अमेरिका अजून मोठे हल्ले इराणवर करणार आहे. इराण देखील अमेरिकेच्या हल्ल्यांना उत्तर देत आहे. इराण आणि अमेरिका यांच्यातील युद्धामुळे आखाती देशांमध्ये मोठी अशांतता पसरली आहे.