जगात हाहाकार! अमेरिकेचे जगाला उद्धवस्थ करणारे पाऊल, विमानांनी भरली उड्डाण, थेट..

अमेरिकेने 28 फेब्रुवारी 2026 रोजी इराणवर मोठा हल्ला केला. तिथेच युद्धाला सुरूवात झाली. इराणनेही अमेरिकेचे लष्कर बेस ज्या आखाती देशात आहेत, अशा ठिकाणी मोठे हल्ले केले. या युद्धाची झळ जगाला बसत आहे. आता अमेरिका पुन्हा एकदा धक्कादायक पाऊल उचलण्याच्या तयारीत आहे. 28 फेब्रुवारी रोजी ज्या पद्धतीने मोठा हल्ला इराणवर करण्यात आला, तसाच मोठा आणि त्यापेक्षा कितीतरी भयंकर हल्ला इराणवर करण्याच्या तयारीत अमेरिका आहे. तशी तयारीही जवळपास झालीये. मिळालेल्या माहितीनुसार, अमेरिकेचे 11 एअरफोर्स सी 17 ए विमान मध्य आशियाहून युरोपच्या दिशेने रवाना झाले. 28 फेब्रुवारीच्या हल्ल्यापूर्वी अशाच घडामोडी घडताना दिसल्या होत्या. न्यूयॉर्क टाईम्सच्या रिपोर्टनुसार, अमेरिका आणि इस्त्रायलच्या सैन्य अधिकाऱ्यांकडून मोठ्या हल्ल्याची तयारी केली जात आहे.

पेंटागनने काही प्लॅन आखली आहेत. या हल्ल्यात युरेनियम भंडारला टार्गेट केले जाणार असल्याची माहिती आहे. 12 दिवसांच्या युद्धात अमेरिकेने इराणच्या परमाणु ठिकाणे नष्ट केली. मात्र, युरेनियम जमिनीच्या खाली आहे. अशा परिस्थितीमध्ये अमेरिका आपले सैन्य इराणच्या जमिनीवरही उतरू शकते. चीनच्या दाैऱ्याहून आल्यावरही डोनाल्ड ट्रम्प यांनी थेट इराणला धमकी दिली.

इराणने जर करार केले नाही तर ते इराणला संपून टाकतील. इराणसोबतचा युद्धविराम नाजूक स्थितीत आहे. यावर इराणकडूनही प्रतिक्रिया आली आहे. इराणने म्हटले की, अमेरिकेने जर आमच्यावर आता पुन्हा हल्ला केला तर युद्ध पुन्हा पेटू शकते. अमेरिकेने कोणतेही पाऊल आमच्याविरोधात उचलले तर आम्ही देखील त्यांना तसेच उत्तर देऊ. इराणच्या संसदेचे अध्यक्ष मोहम्मद बगर गालिबाफ यांनी म्हटले की, चुकीच्या निर्णयाचे परिणाम कायमच चुकीचे असतात.

अमेरिकेने हल्ला केला की, आम्ही त्यांना तसेच उत्तर देऊ. जगाला इराण आणि अमेरिका युद्ध थांबले पाहिजे, असे वाटत आहे. मात्र, यादरम्यान युद्ध कमी व्हायचे तर अधिक चिघळताना दिसत आहे. अगोदरच या युद्धामुळे जग जैरीस आले. चर्चेतून मार्ग निघावा आणि होर्मुज खाडी सुरक्षित व्हावी, ही सर्वांची इच्छा आहे. मात्र, दोन्ही देश माघार घेत नाहीत. यादरम्यानच अमेरिकेकडून धक्कादायक पाऊले उचलली जात आहेत.