इराण-इस्त्रायल युद्धात अमेरिकेची एन्ट्री? डोनाल्ड ट्रम्प यांची हल्ल्याच्या योजनेस मंजुरी

iran israel war: इराण आणि इस्त्रायल युद्धाचा व्याप्ती वाढण्याची शक्यता आहे. या युद्धात आता अमेरिकेची एन्ट्री होणार आहे. अमेरिकेचे राष्ट्राध्यक्ष डोनाल्ड ट्रम्प यांनी इराणवर हल्लाच्या योजनेला मंजुरी दिली आहे. परंतु त्यांनी अंतिम आदेशाची वाट पाहण्यास सांगितले आहे. हल्ला करण्यापूर्वी इराण आपला अणुकार्यक्रम सोडण्यास तयार आहे की नाही हे पाहण्यास ट्रम्प यांनी सांगितले आहे. ट्रम्प यांनी त्यांच्या वरिष्ठ सहकाऱ्यांसोबत एक महत्त्वाची बैठक घेतली. या दरम्यान त्यांनी हल्ल्याला या योजनेला मान्यता दिली.

ट्रम्प यांनी काय म्हटले?

रॉयटर्सने दिलेल्या रिपोर्ट या अहवालात स्ट्रीट जर्नलच्या हवाला देण्यात आला आहे. बैठकीला उपस्थित असलेल्या तीन जणांनी या अहवालात याबद्दल सांगितले आहे. रॉयटर्सने म्हटले आहे की, इस्रायली हल्ल्यांमध्ये अमेरिकेच्या सहभागी होण्याच्या धमकीमुळे तेहरान आपला अणुकार्यक्रम सोडून देईल, अशी अपेक्षा ट्रम्प यांना आहे. डोनाल्ड ट्रम्प यांनी बैठकीपूर्वी, इराणचे सर्वोच्च नेते अयातुल्ला अली खामेनी यांना शरण येण्याचा इशारा दिला होता. अन्यथा अमेरिका या हल्ल्यात सहभागी होईल, त्यानंतर त्याचे वाईट परिणाम भोगावे लागतील, अशी धमकी ट्रम्प यांनी दिली.

खामेनी यांच्याकडून उत्तर

अयातुल्ला अली खामेनी यांनी अमेरिकेच्या इशारा धुडकवून लावला. त्यांनी म्हटले की, इराण आणि इराणचा लोकांचा इतिहास माहिती असणारे आम्हाला धमकी देऊ शकत नाही. इराण कधी या धमक्यांना घाबरणार नाही. अमेरिकेच्या हल्ल्यालाही जोरदार उत्तर दिले जाईल. अमेरिकेचेही मोठे नुकसान होईल.

अमेरिकेत दोन गट

राष्ट्राध्यक्ष डोनाल्ड ट्रम्प यांनी इराणवर हल्ला करण्यास मान्यता दिली आहे. परंतु ज्या लोकांनी त्यांना राष्ट्राध्यक्ष होण्यासाठी मदत केली आहे, त्यांना अमेरिका मध्य पूर्वेतील या युद्धात ढकलला जावा, असे वाटत नाही. रॉयटर्सच्या वृत्तानुसार, ट्रम्प यांना सत्तेत आणणाऱ्या समर्थकांमध्ये फूट पडली आहे. त्यांच्या काही समर्थकांनी त्यांना मध्य पूर्वेतील नवीन युद्धात देशाला अडकवू नये, असे आवाहन केले आहे.