शुक्रवार, शनिवार किंवा रविवार.. पुन्हा इराण उद्ध्वस्त होणार, डोनाल्ड ट्रम्प यांनी थेट सांगितली तारीख, हाहाकार..
इराण आणि अमेरिका युद्ध धक्कादायक स्थितीत पोहोचले आहे. यादरम्यानच आता डोनाल्ड ट्रम्प यांनी मोठे विधान केले. इराण आणि अमेरिका यांच्यातील तणाव कमी होण्याऐवजी आता वाढताना दिसत आहे. ज्याची भीती आहे तेच घडताना दिसतंय.
इराण आणि अमेरिका युद्धातील तणाव कमी व्हावा, ही जगाची इच्छा असताना तणाव अधिक वाढत आहे. त्यामध्येच अमेरिकेचे अध्यक्ष डोनाल्ड ट्रम्प कधी युद्ध लवकरच संपणार असल्याचे बोलताना दिसतात तर थेट हल्ला करण्याबाबतही बोलत आहेत. डोनाल्ड ट्रम्प यांनी नुकताच इराणवर मोठा हल्ला कधी होणार यावर भाष्य केले. डोनाल्ड ट्रम्प यांनी थेट इराणवरील नवीन हल्ल्याची तारीख जाहीर केली. डोनाल्ड ट्रम्प यांच्या या बोलण्याने मोठा हाहाकार उडाला. डोनाल्ड ट्रम्प यांनी स्पष्ट म्हटले की, ते पुन्हा इराणवर हल्ला करू शकतात. ब्लूमबर्गच्या रिपोर्टनुसार, पत्रकारांसोबत बोलताना डोनाल्ड ट्रम्प यांनी म्हटले की, माझी इच्छा आहे की, आम्हाला युद्ध करण्याची वेळ येऊ नये. मात्र, आम्हाला पुन्हा एकदा इराणला मोठा झटका देण्याची वेळ येऊ शकते. यावेळी डोनाल्ड ट्रम्प यांना विचारण्यात आले की, इराणवर कधी हल्ला होणार?
यावर बोलताना डोनाल्ड ट्रम्प यांनी म्हटले की, मला वाटते की, दोन ते तीन दिवसात करू. कदाचित शुक्रवार, शनिवार किंवा रविवार.. पुढच्या आठवड्याच्या सुरूवातीला काहीतरी होऊ शकते. डोनाल्ड ट्रम्प यांच्या या विधानाने इराणवर हल्ला होण्याची शक्यता वाढली आहे. मंगळवारीच अमेरिका इराणवर हल्ला करणार होती. मात्र, तीन आखाती देशांनी महत्वपूर्ण चर्चा इराणसोबत सुरू असल्याने हल्ला करू नये, अशी विनंती केली.
त्यामुळे अमेरिकेने हल्ला केला नाही. अमेरिकेकडून मंगळवारच्या इराणच्या हल्ल्याची पूर्ण तयारीही करण्यात आली होती. डोनाल्ड ट्रम्प यांच्याकडून सतत हल्ल्याची धमकी मिळत असताना इराणने स्पष्ट केले की, आम्ही प्रत्येक हल्ल्याकरिता तयार आहोत. अमेरिका इराणच्या भूमीत आपले लष्कर उतरवण्याच्या तयारीत आहे. जर अमेरिकेने इराणवर हल्ला केला तर मोठी भयंकर स्थिती निर्माण होऊ शकते.
युद्ध थांबण्यापेक्षा अधिक घातक होईल. हेच नाही तर यादरम्यान अमेरिकेचे अर्थमंत्री स्कॉट बेसेंट यांनी युरोपिय देशांना इराणविरोधात या युद्धात अमेरिकेची साथ देण्याचे आवाहन केले. दुसरीकडे रशियाचे अध्यक्ष व्लादिमीर पुतिन चीनच्या दाैऱ्यावर जात आहेत. यावेळी ते चीनचे अध्यक्ष शी जिनिपिंग यांच्यासोबत इराणच्या युद्धाबाबत चर्चा करू शकतात. अमेरिकेने होर्मुज खाडीत अनेक देशांची मदत मागितली. मात्र, एकही देश अमेरिकेच्या मदतीला पुढे आला नाही.
