10 मुले जन्माला घाला, 13 लाख मिळवा; रशियाचे राष्ट्राध्यक्ष व्लादिमीर पुतिन यांची धक्कादायक घोषणा
ज्या महिला दहा मुलांना जन्माला घालतील तसेच त्यांना जिवंत ठेवतील अशा मातांना 'मदर हिरोईन' असा अवॉर्ड दिला जाणार आहे. 'मदर हिरोईन' योजनेअंतर्गत या मातांना 13 लाख रुपये बक्षीस म्हणून दिले जाणार आहेत. रशियन फेडरेशनची नागरिक असलेल्या महिलांनाच या पुरस्काराचा लाभ मिळणार आहे. एखाद्या मातेने आपत्कालीन परिस्थितीत किंवा दहशतवादी हल्ल्यात आपले मूल गमावले, तरीही संबधीत महिला या पुरस्काराची पात्र असणार.
मास्को : रशिया(Russia) आणि युक्रेन(Ukraine) यांच्यातील युद्ध अजूनही धमसतच आहे. मोठी फौज युद्धात उतरवूनही मनुष्यबळ कमीच पडत आहे. देशावर युद्ध संकट असतानाच रशियाचे राष्ट्राध्यक्ष व्लादिमीर पुतिन(Russian President Vladimir Putin) हे देशातील घटत्या लोकसंख्येमुळे चिंतेत आहेत. देशातील लोकसंख्या वाढवण्यासाठी राष्ट्राध्यक्ष व्लादिमीर पुतिन यांनी अत्यंत धक्कादायक अशी घोषणा केली आहे. 10 मुले जन्माला घाला आणि 13 लाख मिळवा अशी वादग्रस्त ऑफरच त्यांनी देशातील महिलांना दिली आहे. त्यांच्या या घोषणेमुळे त्यांच्या चौफेर टीका होत आहेत. मात्र, ते त्यांच्या घोषणेवर ठाम आहेत.
का दिली दहा मुलांना जन्माला घालण्याची ऑफर
राष्ट्राध्यक्ष व्लादिमीर पुतिन यांच्या सरकारने नवीन योजनाच जारी केली आहे. दहा मुलांना जन्म देऊन त्यांच्या संगोपणासाठी सरकार या मातांना 13.5 हजार पौंड म्हणजेच 13 लाख रुपये देणार असल्याचे नवीन सरकारी देशात म्हंटले आहे. रशिया-युक्रेन युद्धामुळे देशात लोकसंख्येचे संकट निर्माण झाले आहे. या संकटातून बाहेर पडण्यासाठी पुतिन यांनी थेट महिलांना दहा मुलांना जन्माला घालण्याच्या बदल्यात भरमसाठ मोबदल्याची ऑफर दिली आहे.
दहा मुलांना जन्माला घालणाऱ्या महिलांना ‘मदर हिरोईन’ अवॉर्डने सन्मानित करणार
ज्या महिला दहा मुलांना जन्माला घालतील तसेच त्यांना जिवंत ठेवतील अशा मातांना ‘मदर हिरोईन’ असा अवॉर्ड दिला जाणार आहे. ‘मदर हिरोईन’ योजनेअंतर्गत या मातांना 13 लाख रुपये बक्षीस म्हणून दिले जाणार आहेत. रशियन फेडरेशनची नागरिक असलेल्या महिलांनाच या पुरस्काराचा लाभ मिळणार आहे. एखाद्या मातेने आपत्कालीन परिस्थितीत किंवा दहशतवादी हल्ल्यात आपले मूल गमावले, तरीही संबधीत महिला या पुरस्काराची पात्र असल्याचे सरकारी निर्देशात म्हंटले आहे.
कोरोनामुळे देशातील मृतांची संख्या चिंताजनक बनली. त्यातच युक्रेनसोबतच्या युद्धात आतापर्यंत 50 हजार रशियन सैनिक मारले गेले आहेत. कोरोना महामारी, नंतर ब्रिटनसोबतच्या युद्धामुळे रशियामध्ये लोकसंख्येचे संकट उभे राहिले आहे. याला सामोरे जाण्यासाठी रशियाचे अध्यक्ष व्लादिमीर पुतिन यांनी देशातील महिलांना ही अनोखी ऑफर दिली आहे.
