Video: नको तेच घडलं! बिग बॉसच्या कॅमेऱ्यात कैद झाला या दोन व्यक्तींचा रोमान्स, व्हिडीओ Viral

छोट्या पडद्यावरील वादग्रस्त पण तितकाच लोकप्रिय शो म्हणून बिग बॉस पाहिला जातो. सध्या बिग बॉस मराठीचा सहावा सिझन सुरु आहे. रितेश देशमुख सूत्रसंचालन करत असलेल्या या शोची सध्या जोरदार चर्चा सुरु आहे. यंदाच्या सिझनमध्ये सतत वाद, भांडणे आणि ड्रामा यामुळे चर्चेत राहिलेल्या घरात आता प्रेमाचे सुंदर क्षण दिसू लागले आहेत. यापूर्वी रुचिता आणि विशाल यांच्या नात्याची चर्चा होती, आता मात्र करण सोनावणे आणि प्राजक्ता शुक्रे यांच्यातील केमिस्ट्रीने सर्वांचे लक्ष वेधले आहे. दोघांमध्ये खरंच प्रेम बहरत असल्याचे संकेत मिळत आहेत आणि हा गुपचूप रोमान्स बिग बॉसच्या कॅमेऱ्यात कैद झाला आहे.

कॅप्टन्सी टास्कमध्ये मजेदार रोमान्टिक क्षण

नुकताच कलर्स मराठी वाहिनीने बिग बॉसच्या आगामी भागाचा प्रोमो शेअर केला आहे. या प्रोमोमध्ये कॅप्टन्सीचा नवा टास्क दाखवला आहे, ज्यात घरातील सर्व सदस्य फळांमध्ये रूपांतरित झाले आहेत. प्राजक्ता स्ट्रॉबेरी बनली आहे, तर करण संत्रा झाला आहे. बिग बॉस प्राजक्ताची स्ट्रॉबेरी म्हणून कौतुक करतात, “प्राजक्ता, तुम्हाला स्ट्रॉबेरी छान वाटते आहे का?” असं विचारतात. प्राजक्ता गोड लाजते, हसते आणि थँक्यू म्हणते. त्याचवेळी तिच्या मागे उभा असलेला करणही लाजताना दिसतो. बिग बॉस हे लगेच पकडतात आणि मजेशीर अंदाजात विचारतात, “स्ट्रॉबेरीचं कौतुक केल्यावर संत्री का लाजली?” दोघेही पुन्हा लाजून हसतात.

View this post on Instagram

A post shared by Colors Marathi (@colorsmarathi)

नंतर दोघे एकत्र बसलेले दिसतात आणि फळांच्या बोर्डच्या आड एकमेकांची छेड काढताना, हलकेफुलके फ्लर्ट करताना दिसतात. हे दृश्य पाहून नेटिझन्सनी लगेच “हे खरंच लव्ह अँगल आहे” असा शिक्कामोर्तब केला आहे.

करणने प्राजक्तासमोर व्यक्त केलेल्या भावना

याआधीच करणने प्राजक्तासमोर आपल्या मनातील भावना उघड केल्या होत्या. एका संवादात प्राजक्ता प्रभूला विचारते की, करण आणि तन्वीमध्ये किती अंतर आहे. हे ऐकून तन्वी प्राजक्ताला करणबद्दल विचारते. तन्वी म्हणते, “करण तुला मांडीवर घेऊन डोक्याला मसाज करतो, तेव्हा काय वाटतं?” करण तन्वीला सुनावतो आणि इतरांना सांगतो की, “आमच्यामध्ये प्रेम असो, मैत्री असो किंवा लग्न असो, पण आम्ही दोघेही इंडिव्हिज्युअल खेळतो.”

राकेशला करण सांगतो, “तिला जप, तिच्या भावनांचा आदर कर.” नंतर करण भावुक होऊन प्राजक्ताला म्हणतो, “आयुष्यात मी कोणाशी इतका कनेक्ट झालो नव्हतो. तुझी काळजी वाटायला लागली आहे. असं कधीच झालं नव्हतं. आई-वडिलांनंतर पहिल्यांदा असं फील झालं. मला इमोशनल व्हायचं नव्हतं, पण हे बंद रस्ते आता उघडले आहेत. आपण जेन्युईन राहू.” प्राजक्ता त्याला समजावते, “एवढा जास्त विचार करू नकोस. मला बिग बॉसनंतरचं आयुष्यही महत्त्वाचं आहे. लोक काय म्हणतील हे लक्षात ठेव.”