एक अब्ज डॉलर द्या आणि देशाच्या सर्वात सुंदर मुलीशी लग्न लावा, युंगाडाच्या सैन्य प्रमुखाची तुर्कीकडे अजब मागणी

आफ्रीकन देश युगांडाच्या सैन्य दल प्रमुख जनरल मुहूजी कॅनेरुगाबा यांनी तुर्कीकडे अजब मागणी केली आहे. पहिली मागणी १ अब्ज डॉलर म्हणजे ९ हजार कोटी रुपये द्यावेत आणि दुसरी मागणी तुर्कीतील सर्वात सुंदर मुलीशी लग्न लावून द्यावे. जर ३० दिवसात या मागण्या पूर्ण नाही केल्या तर तुर्कीतील दुतावास बंद केला जाईल. या अजब मागणीने सर्व जगात या जनरल मुहूजी कॅनेरुगाबा यांची चर्चा होत आहे. विशेष म्हणजे ११ एप्रिल रोजी कॅनेरुगाबा यांनी एक्सवर पोस्ट करुन ही मागणी केली आहे.

आफ्रीकन देश युगांडाचे सैन्य दल प्रमुख जनरल मुहूजी कॅनेरुगाबा यांनी तुर्कीकडे या अजब मागण्या केल्या आहेत. युगांडा गेल्या सुमारे २० वर्षांपासून सोमालियात अल-शबाब नावाच्या अतिरेकी संघटनांशी लढत आहे. ही संघटना अल-कायदाशी जोडलेली असून सोमालियात मोठा विध्वंस घडवत आहे. या दरम्यान, तुर्कीने सोमालियात मोठ-मोठी काम केली आहेत. तुर्कीने येथे रस्ते, बंदरे आणि विमानतळ बांधले आहेत आणि यातून खूप पैसा कमावला आहे.

कॅनेरुगाबा यांचे म्हणणे आहे की तुर्कीने सोमालियातून पैसे कमावले मात्र सुरक्षेची संपूर्ण बोझा युगांडावर पडला आहे. यामुळे तुर्कीने १ अब्ज डॉलर म्हणजे ८,५०० कोटी रुपये सुरक्षेचा हिस्सा म्हणून युगांडाला द्यायला हवेत असे कॅनेरुगाबा यांचे म्हणणे आहे.

जनरल कॅनेरुगाबा कोण आहेत ?

मुहूजी कॅनेरुगाबा युगांडाचे सैन्य दल प्रमुख आहेत. म्हणजे संपूर्ण सैन्याचे सर्वात मोठे अधिकारी. मात्र, त्यांची एक आणखी खास ओळख म्हणजे ते युगांडाच्या राष्ट्राध्यक्ष योवेरी मुसेवेनी यांचे पुत्र आहेत. त्यांना त्यांच्या वडीलांचा उत्ताधिकारी म्हणजे पुढील राष्ट्राध्यक्ष मानले जात आहे. ते सोशल मीडियावर खूप सक्रीय असतात आणि अजबगजब वक्तव्यांसाठी आधीपासूनच प्रसिद्ध आहेत.

लग्नाची मागणी का केली ?

१ अब्ज डॉलरच्या सोबत कॅनेरुगावा यांनी लिहिलीय की त्यांना तुर्कीच्या सर्वात सुंदर मुलीशी लग्न देखील करायचे आहे. त्यांनी लिहिलंय की ही त्यांची वैयक्तिक मागणी आहे.

३० दिवसात अटी पाळाव्यात

तुर्कीने ३० दिवसाच्या आत त्यांच्या मागण्या मान्य कराव्यात अन्यथा युगांडा तुर्कीतील आपला दुतावास बंद करेल. याशिवाय तुर्कीच्या एअरलाईनला युगांडाच्या हवाई क्षेत्रातून जाण्यास परवानगी देखील नाकारण्यात येईल असेही या जनरलने म्हटले आहे.