इराणकडून अत्यंत मोठी घोषणा, अमेरिकेला ज्याची भीती तोच निर्णय घेतला, थेट इराणच्या सर्वाेच्च..
इराण आणि अमेरिका यांच्या युद्धाचा आज 10 वा दिवस आहे. संघर्ष टोकाला पोहोचला असून अमेरिका आणि इस्त्रायलच्या निशाण्यावर तेहरान शहर आहे. इराणकडूनही मोठे हल्ले इस्त्रायल आणि आखाती देशांमध्ये केले जात आहेत. यादरम्यानच अत्यंत मोठी घोषणा करण्यात आली.
अमेरिका आणि इराण युद्धाला आज 10 दिवस पूर्ण झाली आहेत. पुढील काही आठवडे युद्ध सुरू राहणार आहे. इस्त्रायल आणि अमेरिकेकडून ज्याप्रकारे मोठे हल्ले केले जात आहेत, त्या हल्ल्यानंतर जोरदार उत्तर इराणकडून दिले जात आहे. आखाती देशांमध्ये अमेरिकेने लावलेल्या रडार सिस्टम इराणकडून अगोदरच उद्ववस्थ करण्यात आल्या. यामुळे क्षेपणास्त्र नक्की कुठून येत आहे, याची माहिती मिळत नाही. इराणने सर्वात अगोदर ज्या ज्या आखाती देशांमध्ये अमेरिकेचे लष्कर तळ आहेत, तिथे मोठे हल्ले केले. यामुळे या युद्धात कुठेही अमेरिकेचे मोठे नुकसान झाले असून इस्त्रायलच्या प्रमुख ठिकाणांनाही इराणकडून टार्गेट करण्यात आले. तेल अवीवमध्ये इराणने हल्ले केले. अमेरिकेच्या टार्गेटवर आता इराणचे तेलसाठे आहेत. इराणच्या तेलसाठ्यांवर अमेरिका हल्ले करत असल्याने तेहरानमध्ये पाईपलाईनला मोठी आग लागल्याचे बघायला मिळत आहे.
अमेरिका आणि इराण यांच्यात संघर्ष वाढला असतानाच आता इराणकडून अत्यंत मोठी घोषणा करण्यात आली. इराणकडून सर्वाेच्च नेत्याच्या नावाची घोषणा करण्यात आली. इराणने माजी सर्वाेच्च नेते अयातुल्ला अली खामेनेई यांचा मुलगा मोज्तबा खामेनेई याची निवड इराणचे सर्वाेच्च नेते म्हणून करण्यात आली. गेल्या काही दिवसांपासन मोज्तबा खामेनेई याच्या नावाची जोरदार चर्चा रंगताना दिसली, त्यानंतर आता थेट नावाची घोषणा करण्यात आली.
युद्धाच्या पार्श्वभूमीवर इराणमध्ये सर्वाेच्च नेत्याच्या निवडीची प्रक्रिया सुरू होती. मात्र, अमेरिकेकडून मोज्तबा याच्या नावाला विरोध होता आणि आम्ही मोज्तबा याला सर्वाेच्च नेते मानत नसल्याचे अमेरिकेने यादरम्यान म्हटले होते. या निवडीमुळे कट्टरपंथी अजूनही तिथे खूप मजबूत आहेत, हे सिद्ध होते.
इराणी माध्यमांच्या म्हणण्यानुसार, धार्मिक संस्थेने इराणवरील अमेरिका-इस्रायली हवाई युद्धात वाचलेल्या 56 वर्षीय मोज्तबा यांची इराणचे सर्वाेच्च नेते म्हणून निवड केली. सर्वोच्च नेते निवडणाऱ्या परिषदेचे सदस्य अयातुल्ला मोहसेन हेयदारी अलेक्सिर यांनी रविवारी एका व्हिडिओमध्ये मोज्तबा यांची निवड करण्याचे कारण स्पष्ट केले. युद्धादरम्यान हा अमेरिकेला मोठा धक्का इराणकडून देण्यात आल्याचे बोलले जात आहे. कारण मोज्तबा खामेनेईच्या नावाला मोठा विरोध अमेरिकेचा होता.
