इराणच्या नादाला लागून अमेरिकेचं भयंकर नुकसान! ड्रोनसह लढाऊ विमानांवर हल्ले, इराणच्या दाव्याने ट्रम्प हैराण

इराण आणि अमेरिकेत जवळपास 50 दिवस भीषण युद्ध झाले, दोन्ही बाजूंनी एकमेकांवर भीषण हल्ले करण्यात आले. अशातच आता या युद्धात इराणने अमेरिकन सैन्याची झोप उडवली असल्याचे समोर आले आहे. इराणच्या सैन्याने अमेरिकेच्या सुमारे 180 ड्रोन नष्ट केल्याचा दावा करण्यात आला आहे. तसेच इराणी सैन्याने अमेरिकेच्या F-35 स्टेल्थ फायटर जटेवरही हल्ला केला असल्याचे विधान इराणी संसदेचे अध्यक्ष मोहम्मद बागेर गालिबाफ यांनी केले आहे. हा इराणच्या वाढत्या लष्करी क्षमतेचा पुरावा असल्याचेही त्यांनी म्हटले आहे. इराणच्या या दाव्यामुळे डोनाल्ड ट्रम्प यांच्यासह अमेरिकेला मोठा धक्का बसला आहे.

मोहम्मद बागेर गालिबाफ यांनी म्हटले की, इराणी सैन्याने F-35 वर केलेला हल्ला हा एकदाच घडलेला प्रकार नसून तांत्रिक आणि डिझाइन क्षमतांमुळे केलेली सुनियोजित कारवाई होती. F-35 जवळ पडलेल्या क्षेपणास्त्रामुळे शत्रूला इराणच्या क्षमतेची जाणीव झाली आहे आणि तो कोणत्या दिशेने प्रगती करत आहे हेही स्पष्ट झाले आहे. इराणच्या संरक्षण तंत्रज्ञानातील प्रगती दाखवण्यासाठी ही घटना जाणीवपूर्वक घडवून आणली गेली. अमेरिकन लष्करी अधिकाऱ्यांनी मागील महिन्यात मान्य केले होते की इराणी गोळीबारामुळे नुकसान झाल्यानंतर F-35 जेटला आपत्कालीन लँडिंग करावी लागली होती.

इराण वरचढ ठरला

इराणी संसदेचे अध्यक्ष मोहम्मद बागेर गालिबाफ यांनी पुढे बोलताना म्हटले की, पाश्चात्य देशांकडून दबाव आणि धमक्या देण्याचे प्रयत्न अपयशी ठरले आहेत. शत्रू चेतावण्या आणि वेळेच्या मर्यादा ठरवून आपले उद्दिष्ट साध्य करू शकला नाही, त्यामुळे आता मध्यस्थांच्या माध्यमातून संदेश पाठवत आहे. दोन्ही बाजूंचे उद्देश वेगवेगळे होते. अमेरिकेसोबतच्या चर्चेत काही मुद्द्यांवर सहमती झाली असली तरी अनेक मुद्द्यांवर अजूनही गंभीर मतभेद कायम आहेत. इराणने आपल्या मागण्या पूर्ण करून घेण्यासाठी धोरणात्मक पाऊल म्हणून युद्धविराम स्वीकारला, तर अमेरिकेचे राष्ट्राध्यक्ष डोनाल्ड ट्रंप यांनी तो मान्य केला कारण रणांगणात इराण वरचढ ठरला होता.

डोनाल्ड ट्रम्प अपयशी

गालिबाफ पुढे म्हणाले की, डोनाल्ड ट्रंप इराणमध्ये सत्ताबदल घडवून आणण्यात आणि त्याच्या आक्रमक तसेच क्षेपणास्त्र क्षमतांना नष्ट करण्यात अपयशी ठरले. इराण व्हेनेझुएलासारखा नाही आणि अमेरिकन प्रशासन इराणची संरक्षण व्यवस्था खंडित करू शकले नाही. यावरून स्पष्ट होते की इराण आपल्या लष्करी क्षमतांबद्दल अभिमान बाळगतो आणि त्याचा कूटनीतिक फायद्यासाठी वापर करत आहे.