F-35 Hit by Iran : जे फायटर जेट रडारलाही सापडत नाही, ते F-35 इराणने कसं उडवलं? अमेरिकेसह सगळ्या डिफेन्स इंडस्ट्रीमध्ये खळबळ

इराणने जगातील शक्तीशाली मानल्या जाणाऱ्या F-35 फायटर जेटवर अचूक हल्ला केल्याचा दावा केला आहे. जगातील सर्वात महागडं आणि रडारपासून अदृश्य रहाणाऱ्या या फायटर जेटला इराणी मिसाइलने लक्ष्य केलं. F-35 हे जगातील सर्वात सुरक्षित फायटर जेट मानलं जातं. त्या विमानावर हल्ला करुन मोठ्या प्रमाणात नुकसान केल्याच्या बातमीने डिफेन्स सेक्टरमध्ये एकच खळबळ उडवली आहे. इराणच्या इस्लामिक गार्ड्स कॉर्प्सनुसार (IRGC) या फायटर जेटला इराणी एअरस्पेसमध्ये एअर डिफेन्स सिस्टिमने हिट केलं. IRGC च्या दाव्यानुसार त्यांनी 125 पेक्षा जास्त अमेरिकी आणि इस्रायली ड्रोन रोखल्यानंतर हा हल्ला केला.

काही रिपोर्टमध्ये आणि इराणी मीडियानुसार या हल्ल्यासाठी इराणने स्वदेशी ‘बावर-373’ एअर डिफेन्स सिस्टिमचा वापर केला. यात पॅसिव सेन्सरचा सुद्धा हात असू शकतो. रडार सिग्नल शिवाय हे सेन्सर विमानाला शोधू शकतात. इराणने या हल्ल्याचा व्हिडिओ जारी केलाय. यात विमानाला मिसाइल हिट करत असल्याचा दावा करण्यात आलाय. अमेरिकेने अजूनपर्यंत याची अधिकृत पष्टी केलेली नाही. F-35 ची इमर्जन्सी लँडिंग का झाली? यामागे काही टेक्निक्ल कारण आहे का? ते अजून समजू शकलेलं नाही.

F-35 चं वैशिष्ट्य काय?

F-35 चं सर्वात मोठं वैशिष्ट्य म्हणजे ते स्टेल्थ आहे. हवेत उडताना अदृश्य असतं.

हे विमान एअर टू एअर डॉगफाईट, एअर टू ग्राऊंड बॉम्बफेक आणि हेरगिरी ही तिन्ही काम करु शकतं.

ध्वनीच्या वेगापेक्षाही जास्त गतीने 1,931 किमी/ प्रतितास वेगाने हे विमान उडू शकतं.

याय एडवांस सेंसर सूट आणि रडार सिस्टिम आहे, ज्यामुळे पायलट 360 डिग्री व्यू पाहू शकतो.

पायलटची प्रकृती स्थिर

मिशनवर असताना F-35 फायटर जेटला इमर्जन्सी लँडिंग करावी लागलीय हे अमेरिकी सेंट्रल कमांडने मान्य केलय. विमानाने सुरक्षित रित्या लँडिंग केली असून पायलटची प्रकृती स्थिर असल्याचं सांगण्यात येतय. F-35 बाबत इराण जो दावा करतय तसं खरच घडलं असेल तर अमेरिकेसाठी हा मोठा धक्का आहे. कारण अमेरिकेकडून या विमानाचं मोठ्या प्रमाणात मार्केटिंग सुरु आहे.