Israel-Hamas War : तो पर्यंत हा संघर्ष सुरुच राहिल, संयुक्त राष्ट्रात इस्रायलचा इशारा
Israel-Hamas War : इस्रायलने संयुक्त राष्ट्रात त्यांची भूमिका स्पष्टपणे मांडली आहे. इस्रायलने हमासची तुलना नाझी सोबत केली आहे. इस्रायली लोकांना मारण्यात हमासला रस आहे. त्यांना चर्चेत कोणताही रस नसल्याचा आरोप इस्रायलने संयुक्त राष्ट्रात केला आहे.
Israel-Hamas War : इस्रायल आणि पॅलेस्टाईन मधील दहशतवादी संघटना हमास यांच्यात सुरू असलेल्या संघर्षाच्या दरम्यान, संयुक्त राष्ट्रातील इस्रायलचे स्थायी प्रतिनिधी गिलाड एर्डन यांनी हमासचे वर्णन “आधुनिक नाझी” म्हणून केले आहे. ते म्हणाले की, दहशतवादी संघटना हमास इस्रायलसोबत सुरू असलेल्या संघर्षावर तोडगा शोधत नाही. ज्यूंचा नाश करण्यात त्याना रस आहे. गिलाड एर्डन यांनी सोमवारी इस्रायल-हमास युद्धाबाबत संयुक्त राष्ट्र सुरक्षा परिषदेच्या बैठकीत संबोधित करताना ही माहिती दिली. ते म्हणाले, “भयानक अमानवीय हिंसेपासून त्याच्या समान नरसंहाराच्या विचारसरणीपर्यंत, हमास हा आधुनिक काळातील नाझी आहे. तो संघर्षावर तोडगा शोधत नाही.”
संयुक्त राष्ट्रातील इस्रायलचे स्थायी प्रतिनिधी पुढे म्हणाले की, हमासला चर्चेत रस नाही. हमासला फक्त ज्यू लोकांचा नाश करण्यातच रस आहे.
गिलाड एर्डन म्हणाले की, हमास गेल्या 16 वर्षांपासून पॅलेस्टिनींवर अत्याचार करत आहे. 2007 मध्ये जेव्हा हमासने गाझामध्ये सत्ता घेतली तेव्हा शेकडो पॅलेस्टिनींना ठार केले. हमास नाझी गेल्या 16 वर्षांपासून गाझावर राज्य करत आहेत. या वेळी त्याने पॅलेस्टिनींशी गैरवर्तन केले आणि त्याला विरोध करणाऱ्याला मारले. 2007 मध्ये जेव्हा हमासने गाझामध्ये सत्ता हाती घेतली तेव्हा त्यांनी शेकडो पॅलेस्टिनींना स्वतःच्या हातांनी छतावरून फेकून मारले. हमासने पॅलेस्टिनींचा मानवी ढाल म्हणून वापर केला, रुग्णालयांच्या खाली दहशतवादी तळ बांधले आणि शाळांच्या शेजारी लॉन्चिंग पॅड बांधले.
हमास गाझातील लोकांना युद्धक्षेत्र सोडून सुरक्षित दक्षिणेकडील भागात जाऊ देत नाही. इस्रायलने मानवतावादी मदतीचे डझनभर ट्रक मंजूर केले आहेत, परंतु इस्रायलने हमासला कोणतीही मदत देण्यास नकार दिला आहे. इस्रायलच्या स्थायी प्रतिनिधीने यूएनमध्ये सांगितले की, हमासचे नेते दोहा आणि इस्तंबूलमध्ये आनंदाने राहतात, ते गाझा पट्टीत राहत नाहीत. हमासच्या दहशतवाद्यांनी हॉस्पिटलच्या खाली आणि आत त्यांची कमांड सेंटर्स बनवली आहेत.
‘ज्यू मुलांना जिवंत जाळल्यानंतरही संयुक्त राष्ट्र गप्प’
गिलाड एर्डन म्हणाले की, यूएनएससीच्या काही सदस्यांनी गेल्या 80 वर्षांत काहीही शिकलेले नाही. जोपर्यंत UNSC हमासच्या अत्याचाराचा निषेध करत नाही आणि इस्रायली ओलीसांची तात्काळ सुटका करण्याची मागणी करत नाही तोपर्यंत हा संघर्ष सुरु राहिल. निष्पाप ज्यू मुलांना जिवंत जाळल्यानंतरही संयुक्त राष्ट्र अजूनही गप्प आहे, असे ते म्हणाले.
