मोदींच्या Melody डिप्लोमसीमुळे भारताचा काय फायदा? इटलीसोबत कसे संबंध सुधारणार? वाचा A टू Z माहिती!
यापूर्वी, इटलीतील अपुलिया येथे झालेल्या जी7 शिखर परिषदेदरम्यान जॉर्जिया मेलोनी आणि पंतप्रधान मोदी यांची भेट झाली होती. तेव्हा त्यांनी पहिला व्हिडिओ तयार केला होता.
आज भारतापासून इटलीपर्यंत इंटरनेटवर जो शब्द सर्वात जास्त व्हायरल होत आहे, तो म्हणजे ‘मेलोडी’ (Melodi). आणि ही मेलोडी व्हायरल होण्यामागचे कारण म्हणजे पंतप्रधान नरेंद्र मोदी यांनी इटलीच्या पंतप्रधान जॉर्जिया मेलोनी यांना दिलेले एक ‘स्पेशल गिफ्ट’. हे गिफ्ट भारतात कमालीचे लोकप्रिय असणारे, अवघ्या १ रुपयात मिळणारे ‘मेलोडी’ चॉकलेटचे एक पाकीट होते. काही लोक या गिफ्टकडे अतिशय सकारात्मक दृष्टिकोनातून पाहत आहेत. या चॉकलेटचा गोडवा ते दोन देश आणि दोन नेत्यांच्या संबंधांमध्ये अनुभवत आहेत. परंतु, काही लोक या गिफ्टमुळे नाराज आहेत. त्यांना डिप्लोमसीची (मुत्सद्देगिरीची) ही शैली अजिबात आवडलेली नाही. अशा लोकांचे नेतृत्व भारतात विरोधी पक्षनेते राहुल गांधी करत आहेत. पंतप्रधान मोदींच्या या गिफ्टची माहिती जॉर्जिया मेलोनी यांनी स्वतः एक व्हिडिओ बनवून सर्वांना दिली, ज्यामध्ये त्या आणि पंतप्रधान नरेंद्र मोदी मेलोडी चॉकलेटचे पाकीट हातात धरलेले दिसत आहेत. पंतप्रधान मोदी आणि इटलीच्या पंतप्रधान जॉर्जिया मेलोनी यांच्या हातात असलेले मेलोडी चॉकलेटचे पाकीट कोणतेही प्रीमियम पाकीट...
