डोळ्यासमोर साक्षात मृत्यु, महाप्रलयात जीव मुठीत धरून कुटुंब…. ती दृश्य पाहून काळजाचा उडेल थरकाप, Video पाहिला का?

डोळ्यासमोर साक्षात मृत्यु, महाप्रलयात जीव मुठीत धरून कुटुंब

नेपाळवर निसर्ग कोपला आहे. महापूराने उत्तरी नेपाळमध्ये होत्याचे नव्हते केले. पाण्याचा जोरदार लोट पाठिमागून येते असताना जीवाच्या आकांताने धावणारी माणसं पाहून तुमचंही मन हेलावलं असेल. भोटोकोशी आणि त्रिशुलाने उत्तर नेपाळमध्ये मृत्यूचे तांडव घडवले. गावंची गावं नेस्तनाबूत झाली. पूलं, रस्ते आणि वसाहती काडी कचपटासमान वाहून गेली. एका क्षणात होत्याचे नव्हते झाले. येथील काही भयावह व्हिडिओने अनेकांच्या काळजात धस्स झालं. अशाच एका व्हिडिओने अनेकांच्या अंगावर काटा आणला. या तुफान व्हायरल होत असलेल्या व्हिडिओत एक मजली घराच्या वरच्या बाल्कनीत जीव मुठीत घेऊन उभे ठाकलेले कुटुंब दिसत आहे. या कुटुंबाला जणू साक्षात मृत्यूचं दर्शन घडलं आहे.

काय आहे त्या व्हिडिओत?

हा व्हिडिओ नेपाळचा असल्याचा दावा करण्यात येत आहे. त्यातील दृश्य काळचाजे पाणी पाणी करणारे आहे. या घराच्या पाठीमागून ढिगाऱ्यासह काळेकुट्ट पाणी आक्रळविक्राळ रूप घेऊन वाहताना दिसत आहे. हे घर एक मजली आहे. खालच्या मजल्याला महापूराच्या पाण्याने वेढा दिला आहे. घराच्या शेजारील पत्र्याची घरं, वसाहतीत पाणी शिरल्याने ती घर तरंगत असल्याचे दिसतंय. या घराच्या पाठीमागे मृत्यूच जणू वाहत आहे. महापूराच्या अजस्त्र लाटा या घराला जणू गिळंकृत करण्याच्या प्रयत्नात असल्याचे दृश्य समोरील भागातून कोणीतरी टिपलं आहे.

या घराच्या समोरून महापूराच्या पाण्यात एक लहान टेम्पो अलगद वाहून जाताना दिसतो. जणू ते एखादी खेळण्यातील गाडी आहे, तशी ती झटक्यात डोळ्यासमोरून वाहून जाताना दिसते. मृत्यू कधी कवटाळेल याची काहीच खात्री नसताना या घराच्या बालकनीत हे कुटुंब अक्षरशः जीव मुठीत घेऊन हताशपणे सर्व पाहताना दिसत आहे. अजस्त्र लाटा आजूबाजूची घरं कवेत घेत असताना एक छोटा मुलगा, पती-पत्नी या दृश्याकडे बघून आता पुढे काय होणार याचा मनाशी उगाच खेळ करताना दिसत आहे. त्यांच्यासमोरच्या गल्लीतून छोटे ट्रेक, कार, घरावरील पाण्याच्या टाक्या अखरेच्या घटका मोजताना दिसत आहेत. पाण्याच्या अजस्त्र प्रवाहात ते हेलकावे खाताना दिसत आहेत.

काळ्या लाटांचे तडाखे

तितक्यात या घराला पाठीमागून महापूराच्या काळ्या लाटांचे तडाखे बसताना दिसत आहे. या घरात इनमीन तीन सदस्य टिपल्या गेली आहेत. तर त्याचवेळी या घराच्या भिंतीला पूराच्या अजस्त्र लाटा धडकी मारताना दिसतात. तेव्हा अनेकांच्या काळजाचा ठोका चुकतो. कारण पाठीमागील दृश्य अत्यंत भयावह आहे. त्यापुढे जसा कॅमेरा सरकतो, अनेक घरांना या लाटा कवेत घेताना दिसते. यातील पती-पत्नी आणि त्यांचे अपत्य यांना या मृत्यूची जणू चाहूल लागलेली आहे. काळ खायला उठलेला असतानाच त्यांच्या आणाभाका होताना दिसतात. त्यांना मृत्यूची कल्पना आलेली दिसते. त्वेषाने महापुराच्या लाटा ते घर गिळंकृत करण्यासाठी झपाट्याने पुढे सरसावताना दिसतात. तसा तसा पाहणाऱ्यांचा जीव सुद्धा वर खाली होतो. निसर्गापुढे आपण किती कसपटासमान आहोत ही काळीज हेलावणारी ही दृश्य पाहिल्यावर लक्षात येते.

Terrifying footage shows a flash flood sweeping through the Nepal–Tibet border, trapping people on rooftops and balconies. At least 469 have been killed, with hundreds still missing. pic.twitter.com/xRgRWmwut7

— Weather Monitor (@WeatherMonitors) August 28, 2026

या घराच्या वरच्या बाजूला एक सोलर पॅनल, पाण्याची टाकी, छोटसं गार्डन दिसतं. निसर्गाच्या या दोन रुपाच्या प्रतिमेत आपल्या काळजाची घालमेल होते. अंगावर काटा उभा राहतो. या लढाईत ते तीन भाबडे जीव वाचले की नाही याची चुटपूट कायमची मनात घर करून राहते.  सध्याची जी आकडेवारी समोर आली आहे. त्यानुसार, नेपाळमध्ये महापूराने 469 जणांचा मृत्यू झाला. तर शेकडो जण बेपत्ता आहेत. मृतांचा आकडा वाढण्याची भीती आहे.